ბაქოელი ქალბატონის ვნებიანი მზერა კალაძეს - მინისტრის ვიზუალმა ალიევის თანმხლები ქალი მოხიბლა

საქართველოს ვიცე-პრემიერი და ენერგეტიკის მინისტრი კახი კალაძე აზერბაიჯანში იმყოფება. კალაძე ბაქოში გამართული შეხვედრების ფარგლებში ენერგოსაკითხებში აშშ-ის სახელმწიფო მდივნის სპეციალურ წარმომადგენელს, აგრეთვე BP-ს წარმომადგენლებს შეხვდა.

ბაქოში სამხრეთის გაზის კორიდორის საკოორდინაციო საბჭოს მინისტერიალიც გაიმართა, რომელსაც ქვეყნის პრეზიდენტი, ილხამ ალიევი ესწრებოდა. სწორედ აღნიშნული შეხვედრის ამსახველი ფოტოებიდან ერთ-ერთი, რომელიც კალაძის Facebook-გვერდის ადმინისტრაციამ გამოაქვეყნა, ინტერნეტ-ჰიტი გახდა. ფოტოების დამთვალიერებლებმა ბაქოელი ქალბატონის გამოხედვაში კალაძის მიმართ ვნებიანი მზერა ამოიკითხეს. ფოტოს ბევრი გაზიარება და კომენტარი მოჰყვა.