ჯანდაცვის მინისტრს ახალი მოადგილე ჰყავს

საქართველოს შრომის, ჯანმრთელობისა და სოციალური დაცვის მინისტრის მოადგილედ გაიოზ თალაკვაძე დაინიშნა. თალაკვაძემ ამ პოსტზე დავით ლომიძე შეცვალა , რომელმაც თანამდებობა გასულ კვირას საკუთარი განცხადების საფუძველზე დატოვა.

როგორც გაიოზ თალაკვაძემ "ინტერპრესნიუსთან" საუბრისას აღნიშნა, იგი ძირითადად საფინანსო, იურიდიულ, დასაქმების, ტრეფიკინგის საკითხებს გაუწევს კურატორობას. თალაკვაძე აღნიშნულ თანამდებობაზე დანიშვნამდე სოციალური მომსახურების სააგენტოს ხელმძღვანელობდა. როგორც გაიოზ თალაკვაძემ განმარტა დებულებაში ცვლილება შევიდა და სოციალური მომსახურების სააგენტოს ხელმღვანელის მოვალეობებს ჯანდაცვის მინისტრის მოადგილე ზაზა სოფრომაძე შეითავსებს.

"პრიორიტეტები - ფინანსური კუთხით იქნება ფინანსების რაციონალური და მიზნობრივი ხარჯვა, რაც შეიძლება მეტი მოგება რომ მოგვცეს თითოეულმა დახარჯულმა ლარმა. იურიდიული კუთხით- ყველა ის პროექტი, რომელიც ჯანდაცვის სამინისტროს ევალება, ყველაფერი თავის დროზე კარგად რომ წარდგეს მთავრობაში თუ პარლამენტში. დასაქმების კუთხით კი, რაც შეიძლება მეტად დავეხმაროთ სოციალურად დაუცველებს დასაქმებაში", - აღნიშნა გაიოზ თალაკვაძემ.

მისივე ინფორმაციით, მინისტრის მოადგილის თანამდებობაზე პრემიერ-მინისტრის ბრძანებით, 2 მარტს დაინიშნა, თანადებობაზე მუშაობას კი გუშინ შეუდგა.

"ინტერპრესნიუსი"

სიახლე!

თუ დაინტერესებული ხართ მხოლოდ პოლიტიკური თემებით და არ გსურთ, მიიღოთ სხვა, თქვენთვის უინტერესო ინფორმაცია, მოიწონეთ გვერდი, რომელზეც მხოლოდ უმნიშვნელოვანესი პოლიტიკური სიახეები თავსდება.