დავით საგანელიძე - თავდაცვითი საჰაერო სისტემების თაობაზე მუშაობა გაგრძელდება ისე, როგორც ეს სჭირდება ქვეყნის უსაფრთხოებას
თავდაცვითი საჰაერო სისტემების თაობაზე მუშაობა გაგრძელდება ისე, როგორც ეს სჭირდება ქვეყანას და ქვეყნის უსაფრთხოებას, - ამის შესახებ ჟურნალისტებს ნდობის ჯგუფის შეხვედრის დასრულების შემდეგ უმრავლესობის ლიდერმა დავით საგანელიძემ განუცხადა.
ნდობის ჯგუფის ფორმატში დეპუტატებმა თავდაცვის მინისტრ მინდია ჯანელიძესთან ერთად ქვეყნის საჰაერო თავდაცვის სისტემების უზრუნველყოფასთან დაკავშირებით წარმართული პროცესი და მასთან დაკავშირებული ეტაპები განიხილეს.
"თავდაცვით შეიარაღებასთან დაკავშირებით პროცესები წარიმართება ისე, როგორც სჭირდება ქვეყანას და ქვეყნის უსაფრთხოებას, რაშიც საზოგადოება თავად დარწმუნდება. რაც შეეხება საფრანგეთთან საჰაერო თავდაცვითი სისტემების მოწოდების თაობაზე გაკეთებულ განცხადებებს, საკითხის გარშემო მანიპულირებას, ეს აბსოლუტურად არასწორია და ეს უნდა დასრულდეს", - განაცხადა ნდობის ჯგუფის სხდომის შემდეგ უმრავლესობის ლიდერმა დავით საგანელიძემ.
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
უკრაინის პროკურატურამ მიხეილ სააკაშვილის მიმართვაზე საქმე აღძრა
