სააკაშვილი-ალიევის დროსტარება: სანამ საქართველოს პროკურატურა აზერბაიჯანისგან ექსპრეზიდენტის დაკავებას ელის...

მიხეილ სააკაშვილი სამუშაო ვიზიტით ბაქოში იმყოფება, სადაც პრეზიდენტ ალიევს შეხვდა. შეხვედრის არაოფიციალური ნაწილის ამსახველი ფოტოები სააკაშვილმა Facebook-ის გვერდის საშუალებით გაავრცელა.

იხილეთ სააკაშვილის ბაქოში ვიზიტის ამსახველი ფოტოები

შეგახსენებთ, რომ გავრცელებული ინფორმაციით, საქართველოს პროკურატურამ აზერბაიჯანულ მხარეს სააკაშვილის დაკავებისა და გადაცემის თხოვნა ოფიციალურად გაუგზავნა.

აზერბაიჯანელი პოლიტოლოგები საქართველოს ყოფილი პრეზიდენტის მიხეილ სააკაშვილის ოფიციალური ბაქოს მიერ ექსტრადირებას გამორიცხავენ. ამის შესახებ აზერბაიჯანული მედია იტყობინება.

"საქართველოს პროკურატურის მხრიდან აზერბაიჯანისთვის ექსპრეზიდენტ მიხეილ სააკაშვილის დაკავებისა და გადაცემის თხოვნით მიმართვა შეუფერებელია", - ამის შესახებ ანალიტიკოსმა ილგარ ველიზადემ განაცხადა. მისივე თქმით, ქართულმა მხარემ იცოდა, რომ სააკაშვილი ბაქოში აპირებდა ჩასვლას. ამის შესახებ თავად სააკაშვილმაც არაერთხელ განაცხადა.

"ბაქოში არ არსებობს მიზეზი იმისა, რომ საქართველოს ექსპრეზიდენტის ექსტრადირება მოხდეს. ამას გარდა, სააკაშვილზე საერთაშორისო ძებნა არ გამოცხადებულა. იგი ბაქოს სტუმრის სტატუსით, ღია საზოგადოებების მესამე გლობალურ ფორუმზე დასასწრებად ეწვია", - განაცხადა აზერბაიჯანელმა ანალიტიკოსმა.

საქართველოს ექსპრეზიდენტი ბაქოში გუშინ ჩავიდა.

სიახლე!

თუ დაინტერესებული ხართ მხოლოდ პოლიტიკური თემებით და არ გსურთ, მიიღოთ სხვა, თქვენთვის უინტერესო ინფორმაცია, მოიწონეთ გვერდი, რომელზეც მხოლოდ უმნიშვნელოვანესი პოლიტიკური სიახეები თავსდება.