ირაკლი ღარიბაშვილი - პარლამენტის ქუთაისიდან თბილისში გადმოტანის საკითხი მომავალი მოწვევის პარლამენტის ფარგლებში შეიძლება გადაწყდეს
პრემიერ-მინისტრი ირაკლი ღარიბაშვილი ვარაუდობს, რომ პარლამენტის ქუთაისიდან თბილისში გადმოტანის საკითხი მომავალი მოწვევის პარლამენტის ფარგლებში შეიძლება გადაწყდეს.
ამის შესახებ პრემიერ-მინისტრმა პარლამენტის პლენარულ სხდომაზე, საპარლამენტო უმცირესობის მიერ პარლამენტის ადგილმდებარეობასთან დაკავშირებით დასმული კითხვის პასუხად განაცხადა.
"ჩვენ გუშინ გვქონდა საუბარი ამ თემაზე. მას შემდეგ, თუ თქვენ ჩამოყალიბდებით, იმედი გვაქვს ყოველ შემთხვევაში ან თქვენ პირობებში თუ არა, მეორე პარლამენტის დროს, თუ მოხდა პარლამენტის თბილისში დაბრუნება, შესაძლოა, ვიმსჯელოთ ამ შენობის ფუნქციებზე და უნივერსიტეტის იდეა განვავითაროთ და ა.შ.", - განაცხადა ირაკლი ღარიბაშვილმა.
რეპლიკას დარბაზიდან, რომელიც შეეხებოდა იმას, თუ ირაკლი ღარიბაშვილი სად იქნება მომავალი პარლამენტის დროს, პრემიერმა უპასუხა, რომ "იქ სადაც ხალხი გადაწყვეტს". "მე გირჩევთ თქვენს ადგილმდებარეობაზე იზრუნოთ", - მიმართა პრემიერმა საპარლამენტო უმცირესობის წევრებს.
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
უკრაინის პროკურატურამ მიხეილ სააკაშვილის მიმართვაზე საქმე აღძრა
