დედაქალაქის მერის განცხადებით, არავის საქმე არ არის, რამდენი მრჩეველი ეყოლება მერს. ამის შესახებ ნარმანიამ დღეს სასტუმრო "რედისონში" განაცხადა. თბილისის მერმა კომენტარი გააკეთა გავრცელებულ ინფორმაციაზე, რომლის თანახმადაც მას ხუთი ახალი მრჩეველი ეყოლება.
"თბილისის მერია ძალიან დიდი უწყებაა და მერს რაში ჭირდება მრჩევლები, ეს იცის მერმა. არავის საქმე არ არის, რამდენი მრჩეველი ეყოლება მერს და ვის დანიშნავს მრჩევლად. ეს არის მერის დისკრეციული უფლებამოსილება. მანდეთ ეს საკითხი და იქნებიან ისეთი ადამიანები, რომლებიც მუშაობენ კიდეც მერიის სისტემაში და გააგრძელებენ მუშაობას, უბრალოდ უშუალოდ ჩემი დაქვემდებარების ქვეშ იქნებიან", _ დასძინა ნარმანიამ.
თუ დაინტერესებული ხართ მხოლოდ პოლიტიკური თემებით და არ გსურთ, მიიღოთ სხვა, თქვენთვის უინტერესო ინფორმაცია, მოიწონეთ გვერდი, რომელზეც მხოლოდ უმნიშვნელოვანესი პოლიტიკური სიახლეები თავსდება.