რა ქონებით დატოვეს "ნაციონალები" პარტიის ყოფილმა ლიდერებმა - ოთხეულის დეკლარირებული ქონება

რა ქონებით დატოვეს "ნაციონალები" პარტიის ყოფილმა ლიდერებმა - ოთხეულის დეკლარირებული ქონება

პავლე კუბლაშვილის, გიორგი მელაძის, გოგა ხაჩიძის და ზურაბ ჯაფარიძის გადაწყვეტილება, პარტიის რიგებიდან გასვლის შესახებ ყველასთვის მოულოდნელი აღმოჩნდა. საინტერესოა, რა ქონებით დატოვეს ოპოზიციის ლიდერებმა "ნაციონალური მოძრაობა". ამისთვის Ambebi.ge მათ ქონებრივ დეკლარაციას გაეცნო.

პავლე კუბლაშვილი

პავლე კუბლაშვილს ქონებრივი დეკლარაცია გასული წლის 4 ივნისს აქვს შევსებული. მის სახელზეა გაფორმებული 160 კვ/მ ფართობის ბინა ყაზბეგის გამზირზე და ავტოფარეხი. როგორც მისი დეკლარაციიდან ირკვევა, მისი მეუღლე თამილა აბუთიძე საცხოვრებელ სახლს და მიწის ნაკვეთს ფლობს მცხეთის რაიონში, რომლის 50%-ს მფლობელი ვინმე ქეთევან გოგნაძეა.

კუბლაშვილების საკუთრებაშია 2008 წელს გამოშვებული ავტომობილი toiota prado, სახელმწიფო ნომრით tns 999. რაც შეეხება კუბლაშვილის სესხებს, მისი დეკლარაციით ირკვევა, რომ 20000 დოლარის საკრედიტო ხელშეკრულება დადებული აქვს თიბისი ბანკთან. გრიგოლეთში გაასხვისა მიწის ნაკვეთი, საიდანაც 6000 დოლარის შემოსავალი მიიღო. როგორც მის დეკლარაციაში წერია, წყალტუბოში საცხოვრებელი სახლის ქირავნობაში გადახდილი აქვს 10 000 ლარი. შვილების სწავლაში გადახდილი აქვს 8500 ლარი. რაც შეეხება მის შემოსავალს, პარლამენტარის პოზიციაზე 2013 წელს მისმა ანაზღაურებამ 61961 ლარი შეადგინა.

გოგა ხაჩიძე

გოგა ხაჩიძის დეკლარაცია საკმაოდ ღარიბულად გამოიყურება. "ნაციონალური მოძრაობის" ყოფილი ლიდერი, ნავთლუღში ფლობს საცხოვრებელ ბინას, რომლის ფართი 75 კვადრატული მეტრია. ჰყავს ავტომობილი renault laguna 2002 ნომრით EGE 233. საქართველოს ბანკის საკრედიტო ბარათზე აქვს 6000 ლარი (კრედიტი -), 50000 დოლარის ოდენობის იპოთეკური სესხი აქვს აღებული "ბაზის ბანკში". მისი დეკლარაციიდან ირკვევა, რომ 10 000 ლარი გადახდილი აქვს ქირავნობაში. 2014 წელს დეპუტატის პოზიციაზე მუშაობის სანაცვლოდ მიღებული აქვს 59136 ლარი.

გიორგი მელაძე

გიორგი მელაძის ქონებრივი დეკლარაცია 2014 წლის 22 მაისს არის შევსებული. ჩამონათვალი მრავალფეროვანია, თუმცა ქონების დიდი ნაწილი მისი მეუღლის, მაკა ლაჩაშვილის სახელზეა გაფორმებული. დეპუტატის სახელზეა ბინა ვაჟა ფშაველას გამზირზე და კრედიტები ბანკში. მისი მეუღლე კი ფლობს ფართებს ვაჟა-ფშაველაზე, საბურთალოს და აგლაძის ქუჩებზე. მიწის ნაკვეთს და საცხოვრებელ ფართს ფლობენ გაზაფხულის ქუჩაზე მათი შვილები, ნიკოლოზ და დემეტრე მელაძეები. გიორგი მელაძეს "თი ბი სი" ბანკის სახელფასო ბარათზე ერიცხებოდა 2781 (კრედიტი +), საქართველოს ბანკზე კი 558 (კრედიტი+). 200 ლარი (კრედიტი +) ლიბერთი ბანკის მიმდინარე ანგარიშზე. მისი დეკლარაციიდან ირკვევა, რომ პირად საკუთრებაში აქვს 10 000 ლარი. ხელფასის სახით მიღებული აქვს 61961 ლარი. აქედან 9996 ლარს ქირავნობაში იხდიდა, ხოლო 11517 ლარს შვილების სწავლაში.

ზურაბ ჯაფარიძე

ჯაფარიძის ბოლო ქონებრივი დეკლარაცია 2014 წელს არის შევსებული. დეკლარაციიდან ირკვევა, რომ ოჯახის საკუთრებაშია ორი საცხოვრებელი სახლი. გაბაშვილის ქუჩაზე მდებარე სახლი ზურა ჯაფარიძეს ეკუთვნის, ხოლო წყნეთის გზატკეცილზე მდებარე სახლი მეუღლეს, ნატა ქორიძეს. დეკლარაციიდან ირკვევა, რომ ჯაფარიძის მეუღლე სახელმწიფო მოხელეა. კერძოდ, მუშაობს ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრის აპარატში, სადაც ევროატლანტიკური ინტეგრაციის საკითხთა კოორდინაციის დეპარტამენტის უფროსია. გაგიკვირდებათ, მაგრამ ოჯახს საკუთარი ავტომობილიც კი არ ჰყავს. "თი ბი სი" ბანკის მიმდინარე ანგარიშზე დეკლარაციის შევსების მომენტში, ჯაფარიძეს 1753.00 ლარი კრედიტი(+) ერიცხებოდა, ხოლო ანაბარზე - 21622 დოლარი კრედიტი(+). დეპუტატის პოზიციაზე მუშაობის სანაცვლოდ 2013 წელს ზურაბ ჯაფარიძემ ხელფასის სახით 60285 ლარი მიიღო.

თამარ ბოჭორიშვილი

AMBEBI.GE

ნახეთ ყველა გამოხმაურება თემის ირგვლივ თეგზე #ნაციონალური მოძრაობა

"ანტიგმირი უნდა დამალო" -  გია ხუხაშვილი  პარლამენტიდან ვანო ზარდიაშვილის წასვლაზე

უკრაინის პროკურატურამ მიხეილ სააკაშვილის მიმართვაზე საქმე აღძრა

ვანო ზარდიაშვილი პარლამენტს ტოვებს - "ჩემ უკან დგას ჩემი ოჯახი და მცირეწლოვანი შვილები..."