ჩვენი მოსახლეობის 50%, სამწუხაროდ და ჩვენდა სამარცხვინოდ, სიღარიბეში ცხოვრობს - ირაკლი ღარიბაშვილი

ჩვენი მოსახლეობის 50%, სამწუხაროდ და ჩვენდა სამარცხვინოდ, სიღარიბეში ცხოვრობს - ირაკლი ღარიბაშვილი

50% ჩვენი მოსახლეობის სამწუხაროდ და ჩვენდა სამარცხვინოდ სიღარიბეში ცხოვრობს, - ამის შესახებ საქართველოს პრემიერ-მინისტრმა ირაკლი ღარიბაშვილმა საგამოფენო ცენტრ "ექსპო-ჯორჯიაში", "აწარმოე საქართველოში" ერთი წლის შემაჯამებელ ღონისძიებაზე სიტყვით გამოსვლისას განაცხადა,

მისი თქმით, საქართველოში არც ერთი გოჯი მიწა არ უნდა დარჩეს დაუმუშავებელი.

"ჩვენ არ გვაქვს იმის ფუფუნება და იმის საშუალება არ უნდა მივცეთ საკუთარ თავს, რომ არ გამოვიყენოთ თითოეული რესურსი. მაშინ როდესაც ჩვენ შევისწავლეთ მთელი საქართველოს მასშტაბით რეგიონებში არსებული რესურსები, ჩვენ ეს სურათი გვაქვს და ეს არის ხელმისაწვდომი და ჩვენ ამის პრეზენტაცია პირადად ჩავატარეთ. შეგვიძლია მეწარმეებთან ერთად აქტიურად დავიწყოთ ამ პროექტების განხორციელება. სახელმწიფოს არ შეუძლია იმაზე უკეთესი შესთავაზოს, რაც არის "აწარმოე საქართველოში", ან იაფი აგროკრედიტი, რომელის ფარგლებშიც ჩვენ 10%-იან სესხის სუბსიდირებას ვუკეთებთ და მეწარმეს, 1% ან 2% გადახდა უწევს მხოლოდ.

ჩვენ ვაძლევთ ქარხანას თუ მიწას სიმბოლურ ფასად ერთ ლარად. ამას გარდა სახელმწიფო გასცეს გარანტიას ბანკებისთვის 50%-ის ოდენობით, ეს არის უდიდესი ხელშეწყობა. ასეთი პირობები თამამად შემიძლია გითხრათ, რომ არ არის ევროპაში. ჩვენს პირობებში ეს არის უნიკალური, ახლა საჭიროა გააქტიურება მეწარმეების მხრიდან, მაშინ როდესაც არის სტაბილური გარემო და მაშინ როდესაც ბიზნესი არის ხელშეუხებელი, ჩვენ ვართ მოწოდებული, რომ რაც შეიძლება მეტად დავეხმაროთ ბიზნესს. მაშინ როდესაც სახელმწიფოს ნებართვა არსებობს, რომ ეკონომიკა გაძლიერდეს წინ აღარაფერი არ უნდა დაგვიდგეს", - განაცხადა ირაკლი ღარიბაშვილმა.

მისი თქმით, საჭიროა გაერთიანება და ერთბლივი ძალებით ეკონომიკის გაძლიერება.

"ჩვენ არ გვაქვს უფლება ეს მდგომარეობა შევინარჩუნოთ, ამ მდგომარეობას ჰქვია სიღარიბე. 50% ჩვენი მოსახლეობის სამწუხაროდ და ჩვენდა სამარცხვინოდ, ცხოვრობს სიღარიბეში. ასე გაგრძელება აღარ შეიძლება, ამიტომ მინდა კიდევ ერთხელ აღვნიშნო ამ პროგრამის მნიშვნელობა და ჩვენ რა თქმა უნდა, კიდევ უფრო დავხვეწავთ ამ პროგრამას და მზად ვართ მივიღოთ მონაწილეობა, კონსულტაციები გავმართოთ ამ პროგრამების განხორციელებაში", - განაცხადა პრემიერ-მინისტრმა.

მისი თქმით, ასევე იგეგმება რამდენიმე კომპონენტის დამატებას, იმისთვის, რომ პროგრამა კიდევ უფრო დაიხვეწოს და გაფართოვდეს.

"რაც შეეხება 2 წლის შედეგებს, მოკლედ გეტყვით, რომ 90 სამრეწველო პროექტი უკვე დაფინანსდა ამ პროგრამით, ანუ იაფი აგროკრედიტის ფარგლებში 132 საწარმო დავაფინანსეთ და შეიქმნა რეალურად. ამის მედიატურიც მოეწყო. რაც შეეხება "აწარმოეს საქართველოს", 90 სამრეწველო პროექტია, რომელთა ჯამური საინვესტიციო მოცულობა შეადგენს 250 მილიონ ლარს. მინდა კომერციულ ბანკებს გადავუხადო მადლობა, რომ არა მათი ჩართულობა, ეს პროგრამები რა თქმა უნდა, ვერ დაფინანსდებოდა, მათი მეშვეობით 122 მილიონი ლარია გაცემული და ყველანაირი გათვლებით, ჩვენ ფიქრობთ, რომ ამ პროგრამის ფარგლებში შეიქმნება 5 ათასი სამუშაო ადგილი, მე ვსაუბრობ უახლოეს 2-3 წელიწადზე. ეს არის რეალური წინსვლის დასტური, ეს არის ნათელი შედეგი, თუ როგორ შეიძლება სახელმწიფომ, ბანკებმა, კერძო სექტორმა ერთად გავაკეთოთ კარგი საქმე, რაც ჩვენ ქვეყანას წაადგება და მინდა ხაზი გავუსვა, რომ ჩვენთვის მთავარია ეკონომიკის განვითარება და ამის დასაძლევად ჩვენ ყველაფერი უნდა გავაკეთოთ", - განაცხადა მთავრობის მეთაურმა.

"ინტერპრესნიუსი"

"ანტიგმირი უნდა დამალო" -  გია ხუხაშვილი  პარლამენტიდან ვანო ზარდიაშვილის წასვლაზე

უკრაინის პროკურატურამ მიხეილ სააკაშვილის მიმართვაზე საქმე აღძრა

ვანო ზარდიაშვილი პარლამენტს ტოვებს - "ჩემ უკან დგას ჩემი ოჯახი და მცირეწლოვანი შვილები..."