შსს-ს პირველი კომენტარი ლექსო მაჭავარიანის დაკავებასთან დაკავშირებით
მთავრობის ადმინისტრაციასთან ერთი პირი, "ტაბულას" პროდიუსერი ლექსო მაჭავარიანი დააკავეს.
როგორც შინაგან საქმეთა სამინისტროში აცხადებენ, მაჭავარიანი დაკავებულია ადმინისტრციულ სამართალდარღვევათა კოდექსის 173-ე მუხლის შესაბამისად, რაც სამართალდამცველების განკარგულებისადმი ან მოთხოვნისადმი დაუმორჩილებლობას გულისხმობს.
აქცია, სახელწოდებით "STOP RUSSIA", მთავრობის ადმინისტრაციასთან 18:00 საათზეა დაგეგმილი. მისი ორგანიზატორები მცოცავ ოკუპაციას გააპროტესტებენ. მანამდე კი, ადმინისტრაციასთან აქციისთვის მოსამზადებელი სამუშაოები მიმდინარეობს.
საპროტესტო აქციის, "Stop Russia"-ს მოთხოვნებია, შეწყვიტოს აბაშიძემ კარასინთან პირისპირ საუბარი; ყველა მოლაპარაკება მოსკოვთან წარიმართოს საქართველოს სტრატეგიული პარტნიორების მონაწილეობით და პარლამენტმა მიიღოს კანონი კოლაბორაციონიზმის წინააღმდეგ.
დაინტერესებულ პირებს, აქციის შესახებ დამატებითი ინფორმაციის მიღება "ფეისბუქზე" შექმნილი გვერდიდან შეუძლიათ, - Facebook/event: Stop Russia
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
უკრაინის პროკურატურამ მიხეილ სააკაშვილის მიმართვაზე საქმე აღძრა
