უკრაინის უშიშროების სამსახურის განცხადებით, უკრაინის ტერიტორიაზე "საქართველოს დემოკრატიული მოძრაობის" ლიდერის, ნინო ბურჯანაძისთვის შესვლა არ აუკრძალავთ. ამის შესახებ უწყების პრესმდივანმა ელენა გიტლიანსკაიამ განაცხადა.
"3 აგვისტოს მდგომარეობით, უკრაინის უშიშროების სამსახურს არ მიუღია გადაწყვეტილება "დემოკრატიული მოძრაობის" ლიდერის, ნინო ბურჯანაძისთვის უკრაინის ტერიტორიაზე შესვლის აკრძალვის შესახებ", - წერს გიტლიანსკაია "ფეისბუქის" საკუთარ გვერდზე.