"ვამაყობ, რომ ვიყავი ე.წ. ენჯეოშნიკი, ქსოვა არ ვიცი, თორემ ამითაც ვიამაყებდი - თინა ხიდაშელი

"ვამაყობ, რომ ვიყავი ე.წ. ენჯეოშნიკი, ქსოვა არ ვიცი, თორემ ამითაც ვიამაყებდი - თინა ხიდაშელი

ვამაყობ, რომ წლების განმავლობაში ვიყავი ე.წ. ენჯეოშნიკი, ქსოვა არ ვიცი, თორემ ამითაც ვიამაყებდი, - ამის შესახებ ჟურნალისტებს საქართველოს თავდაცვის მინისტრმა თინა ხიდაშელმა დეპუტატ თამაზ მეჭიაურის გუშინდელი განცხადების შეფასებისას განუცხადა. როგორც ხიდაშელმა აღნიშნა, უკვე ჰქონდა თავისი რეაქცია ამ საკითხზე სოციალურ ქსელში. საქართველოს თავდაცვის მინისტრი აცხადებს, რომ ვინმეს შეურაცხყოფის მიყენება ადამიანს ღირსებას მატებს.

"ეს იყო ცალსახად შეურაცხმყოფელი განცხადება არა მხოლოდ საქართველოს პრეზიდენტის, არამედ ყველა იმ ადამიანის მიმართ, ვინც მის მიერ ასე შეურაცხმყოფელად მოხსენიებულ დეფინიციაში შეიძლება თავს გრძნობდეს. მათ შორის, პირადად ჩემთვისაც, ადამიანისთვის, რომელიც ვამაყობ, რომ წლების განმავლობაში ვიყავი ე.წ. ენჯეოშნიკი, ანუ არასამთავრობო ორგანიზაციის ხელმძღვანელი და ვიყავი ასევე ფონდ "ღია საზოგადოება საქართველოს", ანუ ე.წ. სოროსის ფონდის აღმასრულებელი საბჭოს თავმჯდომარე. მე ჩემი წარსულით ვამაყობ და თუ ვინმეს პრობლემა აქვს ამასთან, შემიძლია, პირადად განვუმარტო ყველა ის სიკეთე, რომელსაც ეს არასამთავრობო ორგანიზაციები ჩვენი ქვეყნისთვის 20 წელია, აკეთებენ", - განაცხადა თინა ხიდაშელმა.

რაც შეეხება იმას, უნდა მოიხადოს თუ არა ბოდიში თამაზ მეჭიაურმა, ხიდაშელის თქმით, ეს არის ინდივიდუალური საკითხი, რომელიც ადამიანის ღირსებიდან და მორალიდან მომდინარეობს. ხიდაშელის თქმით, არ მიეკუთვნება იმ ადამიანების კატეგორიას, რომლებიც ადამიანებისგან ბოდიშის მოხდას ითხოვენ, ვინაიდან მიიჩნევს, რომ ეს მოთხოვნილება ადამიანს თავად უნდა გაუჩნდეს. პარლამენტში გუშინ "ეროვნული ბანკის შესახებ" კანონპროექტთან დაკავშირებით პრეზიდენტის მოტივირებული შენიშვნების განხილვისას საფინანსო-საბიუჯეტო კომიტეტის თავმჯდომარე თამაზ მეჭიაურმა საქართველოს პრეზიდენტის მიმართ განცხადება გააკეთა.

"ბიძინა ივანიშვილს დავადანაშაულებ იმაში, რომ მან ერთ "ენჯეო-ელ სოროსელს", რომელსაც საქსოვი ჩხირები ეჭირა, ის ხელიდან გააგდებინა და ვეტოთი აღჭურვა, რომლითაც ნერევებს გვიშლის ჩვენც და მოსახლეობასაც", - განაცხადა თამაზ მეჭიაურმა.

"ინტერპრესნიუსი"

სიახლე!

თუ დაინტერესებული ხართ მხოლოდ პოლიტიკური თემებით და არ გსურთ, მიიღოთ სხვა, თქვენთვის უინტერესო ინფორმაცია, მოიწონეთ გვერდი, რომელზეც მხოლოდ უმნიშვნელოვანესი პოლიტიკური სიახლეები თავსდება.

"ანტიგმირი უნდა დამალო" -  გია ხუხაშვილი  პარლამენტიდან ვანო ზარდიაშვილის წასვლაზე

უკრაინის პროკურატურამ მიხეილ სააკაშვილის მიმართვაზე საქმე აღძრა

ვანო ზარდიაშვილი პარლამენტს ტოვებს - "ჩემ უკან დგას ჩემი ოჯახი და მცირეწლოვანი შვილები..."