გიგი უგულავა თავისუფალია, თუმცა შესაძლოა, მისი თავისუფლება მალევე დასრულდეს. თბილისის საქალაქო სასამართლოში თბილისის ყოფილი მერის გიგი უგულავას წინააღმდეგ, "ტელეიმედისა" და რიყის გასხვისების საქმეზე დღეს მორიგი სასამართლო პროცესი გაიმართება. პროცესი თბილისის საქალაქო სასამართლოში 12:00 საათზე განახლდება და მასზე დაცვის მხარე დასკვნითი სიტყვით წარსდგება.
ადვოკატების შეფასებით, ხელისუფლება სასამართლოსთან ალიანსში ცდილობს, უგულავა კვლავ უკანონო პატიმრობაში დააბრუნოს. მათი თქმით, სასამართლოს გუშინდელი გადაწყვეტილებით დადასტურდა, რომ თბილისის ყოფილი მერი უკანონო პატიმარი იყო.
დედაქალაქის ყოფილი მერი გიგი უგულავა პატიმრობიდან გათავისუფლდა. გადაწყვეტილება თბილისის საქალაქო სასამართლომ წუხელ მიიღო.
გთავაზობთ ფოტოგალერეას, რომელშიც ასახულია წუთები უგულავას გათავისუფლების შესახებ მიღებული გადაწყვეტილების გამოცხადებიდან მის გარეთ გამოსვლამდე.