პრეზიდენტმა, გიორგი მარგველაშვილმა გადაცემა "არჩევანში" გაეროში პრემიერ მინისტრის სიტყვით გამოსვლასთან დაკავშირებით კომენტარი გააკეთა.
მარგველაშვილი მიიჩნევს, რომ გაეროში სიტყვით გამოსვლის შესაძლებლობა საპრეზიდენტო დელეგაციას უნდა მისცემოდა.
"მე მივესალმე პრემიერის გამოსვლას და არა ფაქტს, რომ პრემიერი იქ გამოდიოდა. მე მიმაჩნია, რომ ყველა წესით და ყველა რიგით საპრეზიდენტო დელეგაციას უნდა მისცემოდა შესაძლებლობა, რომ გაეროსთვის მიემართა. მითუმეტეს, არ იყო კონკრეტული მოლაპარაკება, ეს იყო ქვეყნის წარმოჩენის შესაძლებლობა. თუმცა ვიყავი რა აშშ-ში, შევეცადე გამეძლიერებინა ქართული დელეგაცია. როდესაც დეგელაცია ცდილობს საქართველოს საკითხები წინ წაწიოს საერთაშორისო დღის წესრიგში, ეს ძალიან კარგი ნაბიჯია. ამიტომაც მივესალმე არა ფაქტს, რომ პრემიერი იქ გამოვიდა, არამედ მის პათოსს", - განაცხადა მარგველაშვილმა.