გია ხუხაშვილის კომენტარი ივანიშვილის დღევანდელ განცხადებებზე

გია ხუხაშვილის კომენტარი ივანიშვილის დღევანდელ განცხადებებზე

ეტყობა, ბიძინა ივანიშვილი დღეს ხუმრობის ხასიათზეა, - ასე გამოეხმაურა "ინტერპრესნიუსთან" საუბარში ექსპერტი გია ხუხაშვილი ყოფილი პრემიერ-მინისტრის, ბიძინა ივანიშვილის მიერ მისი მისამართით დღეს გაკეთებულ განცხადებას.

როგორც ხუხაშვილმა განმარტა, თანამდებობა არასდროს აინტერესებდა და მეგობრობა, რომელიც გიორგი მარგველაშვილთან აკავშირებს, დამაკმაყოფილებლად მიაჩნია.

"მე მგონი, ბიძინა ივანიშვილმა იხუმრა. ეტყობა, დღეს ხუმრობის ხასიათზეა. მან მშვენივრად იცის ჩემი დამოკიდებულება თანამდებობის მიმართ. აქედან გამომდინარე, ვვარაუდობ, რომ იხუმრა. რაც შეეხება ჩემი და გიორგის ურთიერთობას, ჩვენ მეგობრები ვართ და ეს მეგობრობა სავსებით დამაკმაყოფილებელია ჩემთვის, ისევე როგორც, სხვათაშორის, ბიძინა ივანიშვილთან მაკავშირებდა მეგობრობა. ასე რომ, მეგობრობის ფარგლები ჩემთვის არის დამაკმაყოფილებელი და ძალიან კარგად ვგრძნობ თავს. დამერწმუნეთ, ნებისმიერ თანამდებობას ჯობია", - აღნიშნა ხუხაშვილმა.

ყოფილი პრემიერ-მინისტრის, ბიძინა ივანიშვილის თქმით, პრეზიდენტის მრჩევლის პოსტს, რომელიც ფიქრია ჩიხრაძემ მიიღო, გია ხუხაშვილი და ხათუნა ლაგაზიძე ორი წელია ელოდებოდნენ, - ამის შესახებ ივანიშვილმა ჟურნალისტებს დღეს, შეფასებისა და გამოცდების ეროვნულ ცენტრში განუცხადა.

"ინტერპრესნიუსი"

"ანტიგმირი უნდა დამალო" -  გია ხუხაშვილი  პარლამენტიდან ვანო ზარდიაშვილის წასვლაზე

უკრაინის პროკურატურამ მიხეილ სააკაშვილის მიმართვაზე საქმე აღძრა

ვანო ზარდიაშვილი პარლამენტს ტოვებს - "ჩემ უკან დგას ჩემი ოჯახი და მცირეწლოვანი შვილები..."