პრემიერ-მინისტრმა ძალოვანი სტრუქტურების ხელმძღვანელებს საზოგადოებრივი წესრიგის უზრუნველყოფისკენ მოუწოდა

პრემიერ-მინისტრმა ძალოვანი სტრუქტურების ხელმძღვანელებს საზოგადოებრივი წესრიგის უზრუნველყოფისკენ მოუწოდა

საქართველოს პრემიერ-მინისტრმა ირაკლი ღარიბაშვილმა შინაგან საქმეთა მინისტრ გიორგი მღებრიშვილთან და სახელმწიფო უსაფრთხოების სამსახურის უფროს ვახტანგ გომელაურთან სამუშაო შეხვედრა გამართა.

როგორც "ინტერპრესნიუსს" საქართველოს მთავრობის ადმინისტრაციიდან აცნობეს, მთავრობის მეთაურმა ძალოვანი სტრუქტურების ხელმძღვანელებისგან მოისმინა ინფორმაცია მიმდინარე პროცესების შესახებ.

ირაკლი ღარიბაშვილი უკრაინულ საიტებზე გუშინ გავრცელებული სატელეფონო საუბრებით დაინტერესდა. ვახტანგ გომელაურის განმარტებით, გამოძიება დაწყებულია და ჩატარდება ყველა საჭირო საგამოძიებო მოქმედება.

პრემიერ–მინისტრმა მოუწოდა ძალოვანი სტრუქტურების ხელმძღვანელებს, უზრუნველყონ საზოგადოებრივი წესრიგი.

შეხვედრაზე აღინიშნა, რომ საქართველოს სახელმწიფო უსაფრთხოების სამსახურმა გუშინ გავრცელებულ აუდიოჩანაწერებთან დაკავშირებით სამართლებრივი დახმარებისთვის უკრაინის შესაბამის სამსახურებს მიმართა.

"ინტერპრესნიუსი"

"ანტიგმირი უნდა დამალო" -  გია ხუხაშვილი  პარლამენტიდან ვანო ზარდიაშვილის წასვლაზე

უკრაინის პროკურატურამ მიხეილ სააკაშვილის მიმართვაზე საქმე აღძრა

ვანო ზარდიაშვილი პარლამენტს ტოვებს - "ჩემ უკან დგას ჩემი ოჯახი და მცირეწლოვანი შვილები..."