ვიზალიბერალიზაციასთან დაკავშირებული ანგარიში 18:00 საათზე გამოქვეყნდება

საქართველოს მიერ სავიზო რეჟიმის ლიბერალიზაციის სამოქმედო გეგმის (VLAP) შესრულების შესახებ ევროკომისიის ანგარიშის გამოქვეყნებასთან დაკავშირებით, საქართველოში ევროკავშირის წარმომადგენლობის ხელმძღვანელის, ელჩ იანოშ ჰერმანის პრესკონფერენცია 18:00 საათზე გაიმართება.

ინფორმაციას ამის შესახებ საქართველოში ევროკავშირის წრამომადგენლობა ავრცელებს.

თავდაპირველად, ელჩის პრესკონფერენცია დღეს, 14:30 საათზე იყო ჩანიშნული, თუმცა ევროკომისიის მიერ ანგარიშის გამოქვეყნების გაჭიანურების გამო, ღონისძიება გადაიდო.

"ინტერპრესნიუსი"