ინტერნეტკონფერენცია
ვერ მოიძებნა
კვირის ყველაზე კითხვადი სტატიები
თვის ყველაზე კითხვადი სტატიები
10:54 / 24-01-2016
"მარტივად გიპასუხებთ - გავღარიბდით" - რამ გამოიწვია ლარის რეკორდული გაუფასურება და რა მოყვება ამას
22 იანვარს საქართველოში დოლართან მიმართებაში ლარის გაუფასურების ისტორიული მაქსიმუმი დაფიქსირდა. ეროვნული ბანკის მიერ დადგენილი ახალი გაცვლითი კურსის მიხედვით, ერთი ამერიკული დოლარის ოფიციალური ღირებულება 2.4694 ლარი გახდა, თუმცა უფრო მძიმე მდგომარეობაა სავალუტო ჯიხურებსა და კერძო ბანკებში, სადაც დოლარის ფასი 2.52 ლარის ფარგლებში მერყეობს. ვალუტის გადამცვლელი ჯიხურები დოლარს 2.45-2.50 ლარის ფარგლებში იბარებენ.

რამ გამოწვია ლარის ასე გაუფასურება, რა დარტყმებს უნდა ელოდოს მოსახლეობა ამის გამო და როგორია პროგნოზები ლარის კურსთან დაკავშირებით, ამ საკითხზე AMBEBI.GE ეკონომიკის ექსპერტებს ესაუბრა.

"ეს მდგომარეობა პირდაპირ დარტყმას აყენებს საქართველოს მოქალაქეებს. ძალიან მარტივად გიპასუხებთ - გავღარიბდით. თუ აქამდე, მაგალითად 10 ლარით შეგვეძლო რაღაცა რაოდენობის პროდუქტის შეძენა, დღეს იგივე ათი ლარით შეგვეძლება უფრო ნაკლები პროდუქტის შეძენა. საქართველოს ყველა მოქალაქემ, მდიდარმაც და ღარიბმაც, ყველა ფენის მოქალაქემ დაკარგა გარკვეული ოდენობის ფული", - ამბობს ეკონომიკურ ექსპერტი საკითხებში გია ჯაფარიძე.

ჯაფარიძის თქმით, სამომავლო პროგნოზი არც ისე სახარბიელოა და როგორც ის ამბობს, თუ საგარეო ფაქტორების გავლენას ხელისუფლების უმოქმედობაც დაემატა, შედეგები სავალალო იქნება. "გამომდინარე იქიდან, რა ხდება გლობალურად, რა მდგომარეობაა ჩვენს მეზობელ სახელწმიფოებში და ამავდროულად გამომდინარე იქიდან, თუ რას აკეთებდა საქართველოს მთავრობა წინა პრემიერის ხელმძღვანელობით უკანასკნელი 3 წლის განმავლობაში, პროგნოზი ვერანაირად ვერ მექნება ოპტიმისტური. მდგომარეობის გამოსწორება უახლოეს მომავალში უბრალოდ შეუძლებლად მიმაჩნია, რაც არ უნდა განახორციელოს უკვე მოქმედმა პრემიერ-მინისტრმა. მთავრობა ხომ არ შეცვლილა, ეს ის მთავრობაა, ვინც იმ პოლიტიკას უჭერდა მხარს, რომელსაც უკანასკნელი 3 წლის განმავლობაში ატარებდა წინა პრემიერ-მინისტრი, აქედან გამომდინარე, არ მაქვს არანაირი მოლოდინი, პირველ რიგში, გლობალურად რაც ხდება და რეგიონალურად რაც ხდება ესეც მოქმედებს სიტუაციაზე საქართველოში და მერე ქვეყნის შინით რაც ხდება ეს კიდევ უფრო ამძიმებს ვითარებას", - ამბობს გია ჯაფარიძე.

ოპტიმისტური პროგნოზის გაკეთება უჭირს "ახალი ეკონომიკური სკოლის" პრეზიდენტს პაატა შეშელიძესაც. მისი თქმით, ყველაზე მთავარი ის არის, თუ რამ გამოიწვია ასეთი სიტუაცია. "ეროვნული ბანკის და ფინანსთა სამინისტროს ერთობლივმა ნეგატიურმა საქმიანობამ. ეროვნული ბანკი აძლევს სესხებს ბანკებს, ბანკები აძლევენ სესხებს ფინანსთა სამინისტროს, ეს უკანასკნელი კი თავის დეფიციტს ფარავს ამ ფულით. ეს არის მთელი უბედურება და ასე ხდება უკვე მეორე წელიწადია, ეს ხომ უნდა დამთავრდეს. ეს ადამიანები ხალხის ხარჯზე თავის ვალდებულებებს ისტუმრებენ, ვითომც არაფერი, გიყოფენ ჯიბეში ხელს, იღებენ ფულს, ხარჯავენ თავისთვის, აი ეს პროცესი მიმდინარეობს. რა მნიშვნელობა აქვს იმას თუ როგორ აისახება ეს გაუფასურბეული ლარი დღევანდელ დღეზე? მთავარი ის არის, რომ ესენი ფულს იპარავენ, ლარის გაუფასურება ასახულია უკვე, ადამიანები გაკოტდრნენ და გაუბედურდნენ ასეთი დამოკიდებულების გამო", - ამბობს პაატა შეშელიძე.

ეკონომიკის საკითხებში ექსპერტის, ნოდარ კაპანაძის თქმით, ლარის ასეთი გაუფასურება როგორც რეგიონალური ისე მსოფლიოში შექმნილი მდგომარეობით არის გამოწვეული და ამბობს, რომ შესაძლოა ეს შემთხვევა ზოგიერთი საკითხისთვის სასარგებლოც კი იყოს. "ეს ის გარემოებაა, რაც საქართველოს შიდა პრობლემებიდან გამომდინარე არ არის. ეს საერთო ტენდენციაა მთელს მსოფლიოში, თითქმის ყველგან
უმძაფრესი ეკონომიკური კრიზისია: ჩინეთის, ნიუ-იორკის, ყველა საფონდო ბირჟებზე ასეა და ახლა საქართველოს ვალუტა შედარებით უფრო ნაკლებად უფასურდება, ვიდრე სხვა ვალუტები, მაგრამ გაუფასურება სახეზეა. მე ყოველთვის ვამბობდი, რომ ლარის კურსის გაუფასურება საქართველოში საგარეო ფაქტორებით იყო განპირობებული, მაგრამ დამწვარზე მდუღარეს ასხამდა ეროვნული ბანკი, თუმცა ამ ბოლო ცვლილებაში ეროვნულ ბანკს უბრალოდ ვერ დავადანაშაულებთ იმდენად მძიმეა და ძლიერია საგარეო ფაქტორების წნეხი.

"სავარაუდოდ, გაცვლითი კურსი და ინფლაცია ერთმანეთს არ ემთხვევა. ეს მდგომარეობა შეიძლება ერთი მხრივ სასარგებლოც იყოს ექსპორტზე ორიენტირებული ეკონომიკისთვის. გაცვლითი კურსი ზევით მიდის, მაგრამ საწვავზე ფასები ქვევით მოდის, ესეც ობიექტური გარემოებიდან გამომდინარე, ამდენად ცალსახად ვერ ვიტყვით, რომ ლარის დევალვაცია იქნება კატასტროფული. ეს ან იქნება ან არა, შეიძლება სასარგებლოც კი იყოს ზოგიერთი რამისთვის", - ამბობს ნოდარ კაპანაძე.

თეა ბეჟიტაშვილი
AMBEBI.GE

14:43 / 26-01-2016
ddd
0
გარანტიას ვიძლევი, 8 თვეში ისევ ოცნებას აირჩევენ ამ საარჩევნო კანონმდებლობით და წესებით, იმიტომ რომ არჩევნებს თბილისი კი ვერ იგებს არამედ რეგიონები. ეს ჭკვიანმა ხალხმა საქართველოში იციან და სულ კიდიათ რას ლაპარაკობენ თბილისში ვინმე პრადვინუტები, რომელთაც არცერთი ხელისუფლება არ მოსწონთ სადაც თვითOნ სკამი არ აქვთ.
12:42 / 26-01-2016
ნინო
0
ლარის ვარდნა მთავრობის მაღალი ხელფასები და პრემია დანამატებია მიზეზე რაც დოლარი შემოდის ისინი იძენენ და აბანდებენ ჩვენ კი შევყურებთ გაფრენილ ლარს და მათხოვრულ პენსიას
მსგავსი სიახლეები
საქართველოს ეროვნულმა ბანკმა ბოლო ორი დღის განმავლობაში 30 მილიონი დოლარის სავალუტო
პირველი ივლისიდან ქართული ბიზნესი ადგილობრივ ვალუტაზე უნდა გადაერთოს
ბოლო სამი კვირის განმავლობაში ლარმა გამყარება დაიწყო და 2.48-იანი ნიშნულიდან კურსი 2.40-მდე ჩამოვიდა
ეროვნული ვალუტა დოლართან მიმართებით პოზიციას იუმჯობესებს და ამ ტენდენციას უკვე თვეზე მეტია, ინარჩუნებს
მცირე ზომით რეფინანსირების სესხი მისაღები და დასაშვებია
აშშ-ის პრეზიდენტის დონალდ ტრამპის განცხადების შემდეგ, დოლარმა შესუსტება დაიწყო
2016 წელს დოლართან მიმართებაში მსოფლიოს სხვადასხვა ქვეყნის ვალუტა მნიშვნელოვნად
2017 წლიდან საქართველოში მნიშვნელოვანი ეკონომიკური ცვლილებები შევა ძალაში
ერთი ამერიკული დოლარის ოფიციალური ღირებულება 2.6683 ლარი გახდა
ლარის ოფიციალური გაცვლითი კურსის ცვლილებამ 0.0205 ლარი შეადგინა
ამ კატეგორიის სხვა სიახლეები
19:54 / 29-06-2017  Image რა ვითარებაა რეგიონებსა და თბილისის უბნებში, სადაც ცოტა ხნის წინ ძლიერი წვიმა იყო
საგარეჯოს რაიონის სოფელ გომბორში ძლიერი წვიმის შედეგად გზაზე მეწყერი ჩამოწვა
18:24 / 29-06-2017  Image ვარკეთილში 19 წლის ბიჭმა 41 წლის მამაკაცი მოკლა - შსს განცხადებას ავრცელებს
+VIDEO მან მამაკაცს გულმკერდის არეში ცივი იარაღით სასიკვდილო ჭრილობა მიაყენა
11:33 / 29-06-2017  Image რატომ უნდა გიხაროდეთ, თუ თქვენი შვილი ცაციაა - ცნობილი ცაციები და მათი ცხოვრების სტილი
ლიდერობა ახასიათებთ, უყვართ ცხოველები, საუკეთესოები არიან სპორტსა და ხატვაში...
19:25 / 29-06-2017  Image ლიზა ყენიას "ცხელი" ფოტოები ბათუმიდან
+PHOTO ლიზა ზღვისპირა ქალაქში შეყვარებულთან და მეგობრებთან ერთად გაემგზავრა
16:04 / 29-06-2017  Image რატომ დააგვიანეს ავსტრიელმა ტურისტებმა სტამბოლის რეისზე და რა კავშირშია ეს რძის პროდუქტების მწარმოებელ ქართულ ბრენდთან
სამეგრელოს ზოგიერთ სოფელში ოჯახები მართლაც ეჯიბრებიან, თუ ვის შეუძლია უკეთესი სულგუნის დამზადება
პოპულარული კომენტარები
ინტერნეტკონფერენცია
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49