კვირის ყველაზე კითხვადი სტატიები
თვის ყველაზე კითხვადი სტატიები
12:43 / 25-01-2016
"25 წელია ვერ შევრიგდით, დავიშალოთ ახლა და სხვა სახელი დავარქვათ" - თემურ ჭყონია ოკუპირებულ ტერიტორიებთან ურთიერთობაზე
"კოკა-კოლას" პრეზიდენტმა თემურ ჭყონიამ "ბიზნესპრესნიუსს" ვრცელი ინტერვიუ მისცა. სახელმწიფოსა და ბიზნესის ურთიერთობის გარდა, ჭყონიამ თავისი მოსაზრებები პოლიტიკურ მდგომარეობაზეც დააფიქსირა:

-რით განსხვავდება ქართველი მინისტრი გერმანელი კოლეგებისგან? არ უნდა იცოდე, რომ სამმილიონიან ქვეყანას მართავ, რომლის ბიუჯეტი "კაპიკებია?!" სახელმწიფო ხარჯები ვალუტის კურსზე აისახება. ზოგიერთი ექსპერტი ამბობს, ვალუტის ცვალებადობა ბიზნესისთვის მტკივნეული არ არისო, ფული თუ არ გაქვს, როგორ არ იქნება მტკივნეული? კი ბატონო, საგარეო ფაქტორებიც არსებობს, ყველაფერს ხელისუფლებას ვერ დავაბრალებთ, მაგრამ ხელისუფლებამ ხარჯები უნდა შეამციროს. გაბერილი შტატები უნდა შემცირდეს, სამინისტროები, კერძოდ, ე.წ. შერიგების სამინისტრო
გაუქმდეს. მსგავსი სამინისტრო სხვა სახელმწიფოში გინახავთ? 25 წელია ვერ შევრიგდით, დავიშალოთ ახლა და სხვა სახელი დავარქვათ.

იხილეთ ვიდეო


-ოკუპირებულ ტერიტორიებთან ურთიერთობა თქვენთვის ნაკლებად საინტერესოა?
-მოდით, მაშინ სიყვარულის სამინისტროც შევქმნათ. ვიღაცები მთის სამინისტროს შექმნაზეც ხომ ალაპარაკდნენ, ზღვის სამინისტროც კარგი იქნებოდა... არაფერს ვამბობ პრემიებზე. იმდენი პრემია რიგდება, ზოგჯერ სამსახურში მოსვლა მერიდება, დანამატები მეც არ მომთხოვონ. ვიღაცები ამბობენ, 24 საათი ვმუშაობ და მეკუთვნისო. რატომ მუშაობ 24 საათი? ეს ნიშნავს, რომ რვა საათში გასაკეთებელ საქმეს ვერ ასწრებ ან საქმე არ იცი და შედეგს ვერ აღწევ. სახელმწიფო ხარჯები ბიზნესზე მოქმედებს, ჩვენ და მოქალაქეები ფულს ვიხდით, ისინი ცხოვრობენ.

-ექსპერტების ნაწილი ამბობს, რომ ევროკავშირის ქვეყნებთან უვიზო რეჟიმი ქვეყნიდან ადამიანური რესურსის გადინებასაც გამოიწვევს.

-ამასაც აქვს მეორე მხარე - წავლენ და აქ ფულს გადმოურიცხავენ. მთავარია, ამ ადამიანებმა ცოდნა მიიღონ, სულაც არ არის აუცილებელი მომვლელებად იმუშაონ. სხვათა შორის, საზღვარგარეთ უამრავი ქართველი მილიონერია, მაგრამ საკუთარი ქვეყანა არ უყვართ. ყველა მათგანი სამშობლოში რომ დაბრუნდეს, სახლები აიშენოს და საბანკო ანგარიშები გახსნას, ქვეყანა ერთ წელიწადში გამდიდრდება. 80 წელი რომ შეუსრულდებათ, ანდერძს ტოვებენ, საქართველოში დამასაფლავეთო... საქართველო სასაფლაო კი არაა, მოვლა სჭირდება და ეს ყველამ უნდა გააცნობიეროს. ბევრჯერ მინახავს, ქართველი ემიგრანტები "სუხიშვილების" კონცერტებზე ტირიან. რა გატირებს, ოჯახაშენებულო, ჩამოდი და ან ბიზნესი დაიწყე, ან განათლებას მიხედე, რაღაც ელემენტარული საქმე მაინც გააკეთე. ვიზალიბერალიზაცია, ვფიქრობ, ამ პროცესს ხელს შეუწყობს წაიკითხეთ ინტერვიუ ვრცლად
11:33 / 26-01-2016
R
0
შტატები მართლაც გაბერილია სახელმწიფო ორგანიზაციებში. აცხადებენ ყალბ კონკურსებს, მაშინ როცა თითოეული შტატი კონკრეტული პერსონისათვის წინასწარვე აქვთ გათვლილი. დაასაქმეს პარტაქტივი, ნათესავები და მეგობრები. მეტიც, კერძო ორგანიზაციებშიც, მაგალითად ყაზტრანსგაზი და ამგვარები, ნაცნობ-მეგობრობით ხდება სამსახურში აყვანა. ეს დიდი დანაშაულია, რადგან სათანადო კვალიფიკაციის მქონე და მოტივირებული ადამიანები უმუშევრად რჩებიან, ხოლო უსაქმური და უვიცები მათ ადგილს იკავებენ. ეს არის რეალური მანკიერი მხარე, რომელიც ამ მთავრობის დიდი ნაკლია.
10:46 / 26-01-2016
giorgi
0
აქ საუბარი კერძო სექტორზე არაა, საუბარია სახელმწიფო სამსახურებზე სადაც მართლა გაბერილია შტატები და წელიწადში 4-ჯერ მაინც პრემიას იღებენ ხელფასის 100 %-ს, მთელი დღე არაფერს აკეთებენ იმიტო რო საქმე არ ააქვს საკეთებელი 80 %-ს, ასე რომ სწორს ამბობს თემურ ჭონია, შტატები გაბერილია და პრემიებიც ზედმეტად ბევრჯერ აქვთ, რაც ლარის ინფლაციას უწყობს ხელს. სად შემოიჭირეს ამათ ქამრები მე პირადად ვერ დავინახე.
მსგავსი სიახლეები
"კატეგორიულად გამიჯნული ვარ ყველა პარტიისგან, ამიტომ გეტყვით ჩემი, როგორც რიგითი ამომრჩევლის აზრს"
კომპანია "კოკა-კოლა" საქართველოში წარმოებას აფართოებს და ამ მიზნით ქარხანა ნატახტარში გადადის
მისი "აკვიატებული" მანქანა "მერსედესია"
+VIDEO "არ დმაიჯერონ და არ დაინგრეს ქვეყანა... ყევლაფერს სწორად კი არ ვლაპარაკობ"
ამ კატეგორიის სხვა სიახლეები
17:11 / 19-11-2017  Image კახა კალაძე - მომავალში მშენებლობებზე ნებართვების გაცემა განსხვავებული იქნება
"სამწუხაროდ, რაც აშენდა, იმას ვერაფერს ვუზამთ"
20:55 / 19-11-2017  Image ფოთის პორტში უკრაინული ბორანი შემოვიდა, რომელზეც, სავარაუდოდ, უკრაინიდან დეპორტირებული ქართველები იმყოფებიან
მათ შორის უნდა იყოს "რუსთავი 2"-ის კიევის ბიუროს ოპერატორი თამაზ შავშიშვილი
12:19 / 19-11-2017  Image რუსეთში შექმნილ iPhone X-ზე შავი ხიზილალა, ქვეყნის გერბი და ჰიმნია გამოსახული
კომპანიამ კიდევ ერთი ექსკლუზიური მოდელი შექმნა, რომელიც მოსკოვში ბინის ფასი ღირს
16:33 / 13-01-2017  Image 10 წესი, როგორ მოიზიდოთ ფული - ძველი ჩინური სიბრძნე
ფენ შუი უძველესი ჩინური სიბრძნეა, რომლის მიხედვითაც სამყარო ერთი დიდი ორგანიზმია და
16:15 / 18-11-2017  Image სექსრობოტ სამანტაზე მოთხოვნა იმდენად დიდია, მწარმოებლებს საჭირო რაოდენობის დამზადება უჭირთ
სილიკონის სამანტას მუქი ყავისფერი თმა აქვს, მწვანე თვალები და რეალურის მსგავსი სასქესო ორგანოები
პოპულარული კომენტარები
ინტერნეტკონფერენცია
2017-10-15 07:45:43
ბავშვის აღზრდა რთული და ხანგრძლივი...
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49