ინტერნეტკონფერენცია
ვერ მოიძებნა
კვირის ყველაზე კითხვადი სტატიები
თვის ყველაზე კითხვადი სტატიები
09:20 / 02-02-2016
საქართველოს 15 პრემიერ-მინისტრიდან 11 გადადგა - საინტერესო ფაქტები ქვეყნის ყველა პრემიერზე
23 დეკემბერს ირაკლი ღარიბაშვილმა საქართველოს პრემიერ-მინისტრის თანამდებობა დატოვა. იგი მე-11 პრემიერია, რომელმაც თანამდებობიდან გადადგომის გადაწყვეტილება მიიღო. აღსანიშნავია ისიც, რომ 15 პრემიერ-მინისტრიდან მხოლოდ ერთმა, ვანო მერაბიშვილმა დატოვა თანამდებობა არჩევნების შედეგად. 24 წელი და 15 პრემიერ-მინისტრი - "ჯამპსტარტმა" ვიზუალურად გამოსახა საქართველოს პრემიერ-მინისტრების თანამდებობაზე ყოფნის ხანგრძლივობა, პარტიული კუთვნილება და უფლებამისილების შეწყვეტის მიზეზები.

იხილეთ ვიდეო

ბესარიონ გუგუშვილი 1991-1992 - პარტიული კუთვნილება "მრგვალი მაგიდა-თავისუფალი" საქართველო. თანამდებობაზე ყოფნის დღეების რაოდენობა - 136. უფლებამოსილების შეწყვეტის მიზეზი გადასახლება: 1991-1992 წლებში სამოქალაქო ომის დროს გუგუშვილი ზვიად გამსახურდიასთან ერთად დევნილობაში წავიდა.

თენგიზ სიგუა 1992-1993 - უპარტიო. თანმდებობაზე ყოფნის დღეების რაოდენობა - 578. უფლებამოსილების შეწყვეტის მიზეზი: გადადგა 1993 წლის 5 აგვისტოს, მას შემდეგ, რაც პარლამენტმა მთავრობის მიერ წარმოდგენილი ბიუჯეტი უარყო.

ოთარ ფაცაცია - 1993-1995 - უპარტიო. თანამდებობაზე ყოფნის დღეების რაოდენობა - 776. გადადგა.

ნიკოლოზ ლეკიშვილი 1995-1998. პარტიული კუთვნილება - "მოქალაქეთა კავშირი". საქართველოს 15 პრემიერ-მინისტრიდან ლეკიშვილი ერთ-ერთი იშვიათია, რომელმაც საკმაოდ ხანგრძლივად - 961 დღე უხელმძღვანელა მინისტრთა კაბინეტს. ამ მაჩვენებლით იგი მხოლოდ ზურაბ ნოღაიდელსა (1002 დღე) და ნიკა გილაურს (1244 დღე) ჩამორჩება. წინამორბედების მსგავსად ლეკიშვილიც გადადგა თანამდებობიდან.

ვაჟა ლორთქიფანიძე 1998-2000 - "მოქალაქეთა კავშირი". პრემიერ მინისტრის პოსტს 650 დღის განმავლობაში იკავებდა. უფლებამოსილების შეწყვეტის მიზეზი მის შემთხვევაშიც გადადგომაა.

გიორგი არსენიშვილი 2000-2001 - პარტია "მოქალაქეთა კავშირი". თანამდებობაზე ყოფნის დღეების რაოდენობა - 589. 2001 წელს გადადგა, რის შემდეგაც რამდენიმე ქვეყანაში საქართველოს საგანგებო და სრულუფლებიანი ელჩი იყო, მათ შორის ავსტრიაში, უნგრეთში, ჩეხეთსა და სლოვაკეთში.

ავთანდილ ჯორბენაძე
2001-2003 - პარტია "მოქალაქეთა კავშირის" წევრი, თანამდებობას 706 დღის განმავლობაში იკავებდა. იგი პირველი და დღემდე ერთადერთი პრემიერ-მინისტრია, რომელმაც თანამდებობა რევოლუციის შედეგად დატოვა.

ზურაბ ჟვანია 2003-2005 წლები - "ერთიანი ნაციონალური მოძრობა", თამამდებობაზე ყოფნის დღეების რაოდენობა- 434. უფლებამოსილების შეწყვეტის მიზეზი პრემიერ-მინისტრის გარდაცვალება გახდა.

ზურაბ ჟვანიას მოულოდნელი დაღუპვის შემდეგ საქართველოს პრეზიდენტმა, მიხეილ სააკაშვილმა ზურაბ ნოღაიდელი დანიშნა საქართველოს პრემიერ-მინისტრად. პოსტზე ნოღაიდელმა 2007 წლის 16 ნოემბრამდე იმუშავა. პარტიული კუთვნილება - "ერთიანი ნაციონალური მოძრაობა", თანამდებობას ნოღაიდელი 1002 დღის განმავლობაში იკავებდა. უფლებამოსილების შეწყვეტის მიზეზი მის შემთხვევაშიც გადადგომა იყო, რის შემდეგაც ის დროებით ჩამოშორდა პოლიტიკას და კახა კალაძის ბიზნესს ჩაუდგა სათავეში. 2008 წლის შემოდგომაზე ნოღაიდელმა პოლიტიკაში დაბრუნება გადაწყვიტა და ჩამოაყალიბა პარტია - "მოძრაობა სამართლიანი საქართველოსთვის".

ხანგრძლივი გამოცდილების მქონე ბანკირი ლადო გურგენიძე საქართველოს მინიტრთა კაბინეტს 2007 წლის ნოემბერში აქციების დარბევის შემდეგ ჩაუდგა სათავეში, მაშინ, როცა თანამდებობიდან გადადგა მიხეილ სააკაშვილი და დაინიშნა ვადამდელი საპრეზიდენტო არჩევნები. გურგენიძემ ამ პოსტზე 2008 წლის 1 ნოემბრამდე იმუშავა. ცნობილი ბანკირი უპარტიო იყო, მან თანამდებობაზე 345 დღის განმავლობაში იმუშავა.

ბანკირი გურგენიძის შემდეგ, პრემიერის პოსტი დიპლომატმა გრიგოლ მგალობლიშვილმა დაიკავა. იგი უპარტიო იყო. პრემიერ-მინისტრი, რომელმაც თანამდებობაზე ყველაზე ცოტა - 97 დღე დაჰყო, 2009 წლის 30 იანვარს გადადგა.

რაც შეეხება ნიკა გილაურს, ის საქართველოს პრემიერ-მინისტრებს შორის, ყველაზე "სტაჟიანია" - უპარტიო გილაური 2009-2012 წლებში იკავებდა
აღნიშნულ პოსტს - 1244 დღის განმავლობაში.

ერთ-ერთი ყველაზე ხანმოკლე გამოდგა ყოფილი შინაგან საქმეთა მინისტრის ვანო მერაბიშვილის პრემიერობა. ამასთან, ის ერთადერთია, რომელმაც ყველაზე დემოკრატიული - არჩევნების გზით დატოვა პოსტი. მერაბიშვილის პრემიერ-მინისტრობა მხოლოდ 113 დღეს გაგრძელდა.

2012 წლის საპარლამენტო არჩევნების და ქვეყნის სათავეში ახალი მმართველი ძალის მოსვლის შემდეგ, პრემიერ-მინისტრის პოსტი ბიძინა ივანიშვილმა დაიკავა. პარტია "ქართული ოცნების" დამფუძნებელი თანამდებობას 391 დღის განმავლობაში იკავებდა. თანამდებობიდან გადადგომის შემდეგ ივანიშვილმა მემკვიდრედ მაშინდელი შინაგან საქმეთა მინისტრი - ირაკლი ღარიბაშვილი დაასახელა. ღარიბაშვილმა ქვეყნის პირველი პირის პოსტზე 763 დღე გაატარა და ახალი, 2016 წლის დადგომამდე რამდენიმე დღით ადრე განაცხადა გადადგომის შესახებ. საქართველოს რიგით მე-16 პრემიერ-მინისტრად გიორგი კვირიკაშვილი პარლამენტმა 30 დეკემბერს დაამტკიცა.

ეკა მელიქიძე
AMBEBI.GE


მომზადებულია feradi.info-ს მიხედვით

იხილეთ ფოტო სრული ზომი


16:42 / 04-02-2016
simensi
0
ამ ჩამოთვლილ პრემიერ მინისტრებიდან ყველაზე არაკომპეტენტური და უცოდინარი იყო ირაკლი ღარიბაშვილი!
23:48 / 02-02-2016
nina
0
ღარიბაშვილი გადადგა არა კვახი. ბიძინამ გადააყენა.აი ესაა სიმართლე. ასეთი გადაყენებულები არიან ყველა.რასაც ბიძოზე ვერ ვიტყვი.
მსგავსი სიახლეები
თუ "პლეხანოველი" ვერაზე გადიოდა, ამას "გაღმა გასვლა" ერქვა და პირიქით...
პრემიერი სოციალურ ქსელ "ტვიტერში" წერს და დღევანდელ დღეს "ისტორიულს" უწოდებს
AMBEBI.GE და SPORTALL.GE წარმოგიდგენთ, რამდენიმე საინტერესო ფაქტს ქართული ფეხბურთის ისტორიიდან
+VIDEO პრემიერ-მინისტრის აპარატი განცხადების გავრცელებას დღის ბოლომდე აპირებს
ეს თანამდებობა სიგურპურ-ინგი იოჰანსონმა დაიკავა
პატიმრები ცდილობდნენ სხეულზე ლენინის და სტალინის გამოსახულების ტატუ გაეკეთებინათ, რითაც ისინი თავს იცავდნენ დახვრეტისაგან
სააკაშვილმა განაცხადა, რომ უკრაინაში მისი ამბიციები უფრო მაღალია, ვიდრე პრემიერის პოსტი
ამ კატეგორიის სხვა სიახლეები
11:05 / 21-07-2017  Image "თბილისის მიკროავტობუსი" - მერიასთან ხელშეკრულებით, კომპანიას მიკროავტობუსების მთლიანი ავტოპარკის შეცვლის არანაირი ვალდებულება არ აქვს
ყვითელ მიკროავტობუსებს ექსპლუატაციის ვადა ეწურება
10:46 / 21-07-2017  Image რატომაა ზაფხული საუკეთესო პერიოდი ზამთრის კურორტზე ბინის შესაძენად
უძრავი ქონების შეძენა საკმაოდ რთული გადაწყვეტილებაა
13:53 / 20-07-2017  Image "ბუჰენვალდის ალქაჯის" ცხოვრება - მსოფლიოს უსასტიკესი ქალი, რომელიც ადამიანის კანისგან სუვენირებს ამზადებდა
ილზა კოხის სასამართლოზე ადამიანის კანისგან დამზადებული ნაკეთობების კოლექცია წარადგინეს
10:41 / 21-07-2017  Image რას წერდა Linkin Park-ის სოლისტი გარდაცვლილ მეგობარზე, რომლის დაბადების დღეზეც თავი მოიკლა
ბენინგტონს ექვსი შვილი დარჩა
19:50 / 20-07-2017  Image სად დაიკარგა რატი დურგლიშვილი მაკა ზამბახიძესთან ერთად და როგორ გადაურჩა სტამბოლში მომხდარ ტერაქტს
მოგზაურობა ადამიანის განვითარებისთვის ერთ-ერთი საუკეთესო საშუალებაა
პოპულარული კომენტარები
დღის ვიდეო
PALITRATV.GE
You must have Flash Player installed in order to see this player.
ინტერნეტკონფერენცია
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49