კვირის ყველაზე კითხვადი სტატიები
თვის ყველაზე კითხვადი სტატიები
17:38 / 14-03-2016
კოდუას და უგულავას ახლო მეგობარი, გვანცა დარასელიას მეუღლე - ვინ არის ალასანიას პარტიის ახალი წევრი
"თავისუფალ დემოკრატებს" ახალი წევრი ჰყავს. პარტიის რიგებს ვახტანგ მჭედლიძე შეუერთდა, რომელიც საზოგადოებას დღეს თავად ირაკლი ალასანიამ წარუდგინა. პარტიის ლიდერმა მჭედლიძეს ძლიერი კადრი უწოდა და აღნიშნა, რომ იგი გამორჩეულია საქმეში წარმატებით, არის გამორჩეული ბიზნესმენი, აქვს სოლიდური სპორტული წარსული - იყო რაგბის ნაკრების წევრი.

ვახტანგ მჭედლიძე "თავისუფალი დემოკრატების" პოლიტიკური ლიდერი ლაგოდეხში იქნება. პარტიის ახალმა წევრმა "თავისუფალი დემოკრატების" ლიდერს მადლობა გადაუხადადა განმარტა, რომ აღნიშნული პარტიის წევრობა მისთვის დიდი პატივია. "ჩემთვის დიდი პატივია, ვიყო "თავისუფალი დემოკრატი" და ვიშრომო ისეთ ხალხთან ერთად, რომლებმაც არაერთი წარმატება მოუტანეს საქართველოს საერთაშორისო ასპარეზზე და ქვეყნის შიგნით. ჩემს მთელ რესურსს, ენერგიას, ძალ-ღონეს არ დავიშურებ იმისთვის, რომ გუნდი იყოს უფრო წარმატებული და, რა თქმა უნდა, გამარჯვებული", - განაცხადა მჭედლიძემ.

იხილეთ მჭედლიძის წარდგენის ვიდეო

ვახტანგ მჭედლიძე ტელეწამყვან გვანცა დარასელიას მეუღლეა. წყვილი 2010 წელს დაქორწინდა და ერთი ბიჭუნა ჰყავთ. აღსანიშნავია, რომ დარასელიას მეუღლეს "დემოკრატებამდე" მრავალფეროვანი პოლიტიკური წარსული ჰქონდა. ვახტანგ მჭედლიძე გიგი უგულავას მრჩეველი იყო და პატიმრობაში მყოფი ყოფილი მერის ახლო მეგობარია. იგივე ასევე მეგობრობს ირაკლი კოდუასთანაც. როგორც ჟურნალ "რეიტინგის" ერთ-ერთ სტატიაში ვკითხულობთ, კოდუა ძებნილობის დროს ვახო მჭედლიძესთან ერთად იმყოფებოდა პრაღაში. მჭედლიძე რამდენიმე წელი ჩეხეთში ცხოვრობდა და იქ სახლი აქვს.

ვახტანგ მჭედლიძე "ნაციონალური მოძრაობის" მმართველობის დროს საკრებულოს წევრიც გახლდათ. ის "ჯანდაცვისა და სოციალურ საკითხთა კომისიის" წევრი და "სარევიზიო კომისიის" თავმჯდომარის მოადგილე იყო. თუმცა 2011 წლის თებერვალში მან საკრებულო დატოვა. როგორც მაშინ საკრებულოში განმარტეს, ფრაქცია "ნაციონალური მოძრაობის" წევრმა მჭედლიძემ საკრებულო საკუთარი განცხადების საფუძველზე დატოვა, თუმცა პრესაში საკრებულოდან მისი წასვლის სხვა ვერსია
დასახელდა.

როგორც გაზეთი "ალია" 2011 წელს წყაროზე დაყრდნობით წერდა, მჭედლიძემ საკრებულო პრეზიდენტის კატეგორიული მოთხოვნის შემდეგ დატოვა. "ალიას" ინფორმაციით, მჭედლიძე "ნაციონალური მოძრაობის" აქტივისტებთან ერთად ახალი წლის დღეებში ერთ-ერთ რესტორანში ქეიფობდა და საკუთარი სუფრის წევრებს დაუპირისპირდა. მჭედლიძემ ჩხუბის შემდეგ ერეკლე კოდუას დაურეკა, რომელსაც "ბიჭების ბრიგადა გაუგზავნია, მჩაგვრელი "ნაციონალები" ერეკლე კოდუას ბიჭებს ისე უბეგვიათ, რომ, როგორც ამბობენ, ბევრი მათგანი დღემდე გონზე ვერ მოდისო", - წერდა გაზეთი "ალია". სწორედ ამის შემდეგ, მიხეილ სააკაშვილს კატეგორიულად მოუთხოვია, დაძაბული ვითარების განსამუხტად უგულავა-კოდუას ძმაკაც მჭედლიძეს საკრებულო დაეტოვებინა. გვანცა დარასელიამ ჟურნალისტთან სატელეფონო საუბარში გაზეთში დაბეჭდილ ინფორმაციას ჭორი უწოდა, თუმცა დაადასტურა, რომ მისმა მეუღლემ საკრებულო დატოვა, არა პრეზიდენტის მოთხოვნით, არამედ პირადი მოტივით.
10:25 / 16-03-2016
aba!!!-ს ზსს-გან
0
განათლებული ადამიანი რო უნდა მართავდეს ქვეყანას და შესაბამისი კვალიფიკაციისა და პროფესიონალიზმის მქონე, რომელსაც რეალურად ესმის ქვეყნის პრობლემები და საერთაშორისო ურთიერთბები, და არა შტანგისტი, მორაგბე, ფეხბურთელი, ბალერონი, ჭოკზე მოხტუნავე, სტრიპტიზიორი და ჰაერში გაკვანძული, მაგი დროსთან რა კავშირშია შე დროს გასწრებულო და "ზეთანამედროვე" ადამიანო???
00:10 / 16-03-2016
rug
0
ვინც არ იცნობთ და არ იცით ვინ არის ვახო მჭედლიძე უხერხული და არასწორია ასეთი აზრების ფრქვევა და მცდარი იმფორმაციების გავრცელება. მე კარგად ვიცნობ მას და მის ცხოვრებას და ერთ ადამიანს ვერ ნახავთ ვისთვსაც ცუდი გაუკეთებია, მითუმეტეს პადარა ქვეყნის შვილები ვართ და მოიკითხეთ კარგად და მერე ილაპარაკეთ. და მას მთელი თავისი ცხოვრების მანძილზე ადამიანებისთვის ახლობლებისთვის და არამარტო ახლობებისთვის უამრავი უანგარო სიკეთეები აქვს ნაკეთები, ესეც შეგიძლიათ რომ მოიკითხოთ კარგად და გაიგებთ.. ღმერთმა ბევრი მიცეს ჩვენს ქვეყანას ვახოსნაირი კაცები და საქართველო გაიტანს თავის გასატან ლელოს!!!
მსგავსი სიახლეები
"მე თუ ფლირტს ვიწყებ, იმ ადამიანთან ურთიერთობას აუცილებლად გრძელვადიან პერსპექტივაში ვხედავ"
საქართველოში მონარქიის აღდგენის შესახებ მოსაზრება საქართველოს კათოლიკოს-პატრიარქმა ილია მეორემ საკვირაო ქადაგებისას გამოთქვა
უგულავა შვილებთან - ტასოსთან და თინათინთან ერთად გადაღებულ ფოტოს აქვეყნებს
ყოფილი და ამჟამინდელი "ნაციონალები" ვიზალიბერალიზაციის თემაზე ერთმანეთს "ფეისბუქში" დაუპირისპირდნენ
ამ კატეგორიის სხვა სიახლეები
19:01 / 19-09-2017  Image გლდანის ერთ-ერთ კორპუსში და-ძმის ცხედრები იპოვნეს
და-ძმის გარდაცვალიების მიზეზი, შესაძლოა, ბუნებრივი აირის გაჟონვა იყოს
17:21 / 19-09-2017  Image "ნაგვიდან ამოვიღეთ ტიპი..." - სტეფანეს "ნიჭიერის" ჟიურიში გამოჩენამ ნიკა გვარამია გააღიზიანა
"ესეც თქვენი სტეფანე, ტვინი რო გამიბურღეთ, ცოდოა, შემოსავალი არა აქვსო"
21:09 / 19-09-2017  Image რომელია სახის ყველაზე მიმზიდველი ნაწილი - რა შედეგი აჩვენა ექსპერიმენტმა
კვლევაში მონაწილეობა მიიღო 20 წლის ზემოთ 32 ქალმა და ამდენივე მამაკაცმა
11:01 / 18-09-2017  Image 10 რამ, რაც KFC-ის შესახებ უნდა იცოდეთ
კენტუკის შემწვარი ქათმის შესახებ თუ გსმენიათ რამე?
14:42 / 19-09-2017  Image "ჭრელაშვილები ვართ და გვინდოდა, ჭრელები ვყოფილიყავით" - ქართველი დედის და ტყუპების სამოსმა ბაღის პირველ დღეს ყველას ყურადღება მიიქცია
"11 წელი არ გვყავდა შვილი და სასწაულით მოევლინა ეს ტყუპი..."
დღის ვიდეო
PALITRATV.GE
You must have Flash Player installed in order to see this player.
ინტერნეტკონფერენცია
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49