დავით საყვარელიძე უკრაინაში ახალი პარტიის შექმნას აანონსებს, რომელშიც სავარაუდოდ, მიხეილ სააკაშვილიც გაწევრიანდება

უკრაინის გენერალური პროკურორის ყოფილი მოადგილე დავით საყვარელიძე უკრაინაში, მომავალ კვირას, პარტიის შექმნას აანონსებს. ამის შესახებ "უკრაინსკაია პრავდას" ინფორმაციით, კიევის ეროვნულ უნივერსიტეტში ლექციაზე საუბრისას საყვარელიძემ თავად განაცხადა.

"ამ დღეებში ყველაფერი გაჟღერდება. პარტიაში შევა ყველა ნიჭიერი და არაკორუმპირებული ადამიანი, ვისაც ამ ქვეყანაში რაიმეს შეცვლა უნდა", - აღნიშნა საყვარელიძემ. ის არ ადასტურებს და არც უარყოფს ინფორმაციას, რომ პარტიაში ოდესის გუბერნატორი მიხეილ სააკაშვილიც გაწევრიანდება.