"ქართული ოცნების" ინფორმაციით, სოფელ წყალტუბოს, ოზურგეთისა და გარდაბნის მაჟორიტარულ ოლქებში არჩევნები მოიგეს

"ქართული ოცნების" ინფორმაციით, სოფელ წყალტუბოს, ოზურგეთისა და გარდაბნის მაჟორიტარულ ოლქებში არჩევნები მოიგეს.

როგორც პარტიაში აცხადებენ, გარდაბნის მაჟორიტარულ ოლქებში (კალინინო და ყარაჯალალი) "ქართულმა ოცნებამ" მიიღო ხმათა 98% და 64% და დიდი უპირატესობით მოუგო არჩევნები "ნაციონალური მოძრაობის" კანდიდატებს, სოფელ წყალტუბოს მაჟორიტარულ ოლქში კი "ქართული ოცნების" კანდიდატმა მურად ზაქარიაძემ ხმათა 65% მიიღო.

პარტიისვე ინფორმაციით, ოზურგეთის მაჟორიტარულ ოლქში "ქართულმა ოცნებამ" ხმათა 67% მიიღო და მისმა კანდიდატმა ვასილ ჩიგოგიძემ დიდი უპირატესობით მოუგო არჩევნები "ნაციონალური მოძრაობისა" და პაატა ბურჭულაძის პარტიის ერთობლივ კანდიდატს.