მიხეილ სააკაშვილი - საქართველოში საღამოს რომ ვიტყოდი, დილის 6 საათზე მშენებლობა იწყებოდა
"საქართველოში საღამოს რომ ვიტყოდი, დილის 6 საათზე მშენებლობა იწყებოდა", - ასეთი განცხადებით ოდესის გუბერნატორი მიხეილ სააკაშვილი ჟურნალისტების წინაშე მას შემდეგ წარდგა, რაც გუშინ მისი დროებითი კაბინეტი "ოდესა-რენის" გზაზე, კარავში განთავსდა.
ოდესის გუბერნატორის თქმით, ის დროებით კარავში იქამდე იმუშავებს, სანამ "ოდესა-რენის" ავტომაგისტრალის მშენებლობა არ დასრულდება.
"ქვეყანაში წესრიგი უნდა დამყარდეს. აქ სრული არეულობაა სამართავ მექანიზმში. პატარა საქართველოს პრეზიდენტი ვიყავი. ვინმე მეტყოდა, რომ გზისთვის 40 მილიონ ევროს ვერ ვიშოვიდით? საღამოს რომ ვიტყოდი, დილის 6 საათზე მშენებლობა იწყებოდა", - განაცხადა სააკაშვილმა.
ოდესის გუბერნატორმა გუშინ კარავში პირველი შეხვედრები და თათბირი გამართა. როგორც მოსალოდნელია, დღეს მისი სამუშაო დღე სწორედ კარავში დაიწყება.
იხილეთ ვიდეო: სააკაშვილის აღიარება - ვის და რა მიზეზით სვამდა ექსპრეზიდენტი ციხეში
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
უკრაინის პროკურატურამ მიხეილ სააკაშვილის მიმართვაზე საქმე აღძრა
