"ხანდახან სხვის კი არა, საკუთარი თავის ადგილას ყოფნა არ მსურს" - დავით ბაქრაძის მღელვარება ეთერში შესვლამდე

ტელეკომპანია "პალიტრანიუსის" ეთერში ყოველ პარასკევს, მაყურებელს შესაძლებლობა ეძლევა, ღია ეთერში, ვიდეოთვალის საშუალებით შეკითხვები დაუსვას და ამასთან საჯარო დებატების ფორმატში ესაუბროს პოლიტიკურ ლიდერებს. გადაცემამ უკვე უმასპინძლა მინინსტრთა კაბინეტის წევრებსა და ოპოზიციის ლიდერების ნაწილს. ამჯერად "ჩემი კითხვის" ეთერში ტელემაყურებლის პირისპირ "ერთიანი ნაციონალური მოძრაობის" სიის პირველი ნომერი დავით ბაქრაძეა. გადაცემის წამყვანის, ეთო ფურცხვანიძის კითხვაზე, ღელავს თუ არა პოლიტიკოსი ხალხთან საჯარო დებატების წინ, დავით ბაქრაძემ გულწრფელად აღნიშნა, რომ კი, მას აქვს გარკვეული ღელვა და რომ ეს გადაცემა ნებისმიერი პოლიტიკოსისთვის გამოწვევაა.

"პოლიტიკა ისეთი რამ არის, რომ სხვის ადგილზე კი არა, ხანდახან საკუთარი თავის ადგილზე ყოფნაც არ მისურვია. ასე რომ თუ შეიძლება ნუ დამაკონკრეტებინებთ სხვა რომელი პოლიტიკოსია კიდევ ასეთი".