თავდაცვის სამინისტროში არ ადასტურებენ გავრცელებულ ინფორმაციას, რომ თინა ხიდაშელმა პრემიერ-მინისტრს გადადგომის შესახებ განცხადებით მიმართა.
"გადადგომის შესახებ განცხადება თინა ხიდაშელს არ დაუწერია", - განუცხადეს "ინტერპრესნიუსს" თავდაცვის სამინისტროში.
გავრცელებული ინფორმაციით, თავდაცვის მინისტრმა თინა ხიდაშელმა და შერიგებისა და სამოქალაქო თანასწორობის საკითხებში სახელმწიფო მინისტრმა პაატა ზაქარეიშვილმა პრემიერს 1-ელი აგვისტოდან გადადგომის შესახებ განცხადებით მიმართეს. აღნიშნულთან დაკავშირებით მთავრობის ადმინისტრაციაში კომენტარს არ აკეთებენ.