"ნაციონალური მოძრაობის" წევრ გიგა ბოკერიას განცხადებით, 45 მაჟორიტარულ ოლქში სავარაუდოდ, არჩევნების მეორე ტური გაიმართება.
გიგა ბოკერიამ დღეს გამართულ ბრიფინგზე ამომრჩევლებს მხარდაჭერისთვის მადლობა გადაუხადა.
"ყველა ფაქტორის გათვალისწინებით, რაც წინ უძღოდა არჩევნებს, დაწყებული იმით, რომ ლიდერები არიან ციხეში, იყო ძალადობა და ა.შ. ჩვენ არ ვთვლით, რომ ეს არჩევნები იყო თავისუფალი ნების გამოხატვის შედეგი, ეს არ იყო კონკურენტუნარიანი არჩევნები. ეს იყო უტიფრად, დაშინების და ამომრჩევლის ნების გატეხვის მცდელობით, ძალაუფლების შენარჩუნება ივანიშვილის მხრიდან, ჩვენ გვაქვს სავარაუდოდ 500 ათასი ხმა, რომლის დაცვაც შევძელით და ვიქნებით სადღაც 45 მეორე ტურში", - განაცხადა გიგა ბოკერიამ.
მისივე თქმით, პარტიაში უკვე დაწყებულია კონსულტაცია, რომელიც მომავალ სამოქმედო გეგმას ეხება და გარკვეულ დროს საჭიროებს.