"იქ უმეტესად "ვიქტორია სეკრეტის" მოდელები იყვნენ... თავი სიზმარში მეგონა" - როგორ მოხვდა ანა შელია "ეტამის" ჩვენებაზე

"იქ უმეტესად "ვიქტორია სეკრეტის" მოდელები იყვნენ... თავი სიზმარში მეგონა" - როგორ მოხვდა ანა შელია "ეტამის" ჩვენებაზე

თაკო ჩხეიძის სამოდელო სააგენტოს 17 წლის მოდელი ანა შელია რამდენიმე დღის წინ, მსოფლიო მოდის ყურადღების ცენტრში მოექცა. მას "ეტამის" ახალი კოლექციის ჩვენებაში მიიღო მონაწილეობა და მსოფლიოს წამყვანი ჟურნალების ფურცლებზეც აღმოჩნდა.

ანა ყოფილი მოდელის ლიკა კვარაცხელიას და ყოფილი ფეხბურთელის მურთაზ შელიას ქალიშვილია. ანა ახლა პარიზში ცხოვრობს და მსოფლიო პოდიუმის დასაპყრობად ემზადება.

- მოდელობა 12 წლის ასაკში დავიწყე. პირველად თბილისის მოდის კვირეულზე მივიღე მონაწილეობა, 14 წლის ასაკში კი სტამბულში წავედი, შემდეგ - მილანში. 15 წლის ვიყავი, როდესაც მილანში "ზუჰაირ მურად რესტორტ 2015"-ში გადამიღეს. ახლა კი პარიზში ვიმყოფები. მოდელობის პარალელურად სკოლის მოსწავლე ვარ და აბიტურიენტი.

- როგორ მოხვდით "ეტამის" ჩვენებაზე?

- 25 სექტემბერი, კვირა დღე იყო. 4-ს აკლდა 20 წუთი, როდესაც სააგენტოდან დამირეკეს და მითხრეს, "ეტამს" სჭირდება გოგონა და 4 საათზე იქ უნდა იყოო. ტესტ მეიქაფის პარალელურად ტარდებოდა კასტინგი, რომელშიც უამრავი გოგო იღებდა მონაწილეობას. როცა გამიკეთეს თმა და მაკიაჟი, კასტინგის დირექტორთან შემიყვანეს, აჩვენეს როგორი თმა და მაკიაჟი მაქვს, ზუსტად ამ დროს შემოვიდა "ეტამის" წარმომადგენელი და "პრიმერკაზე" დამიბარა. 11 საათამდე იქ ვიყავი, ჩემთან ერთად იყო "ვიქტორია სეკრეტის" მოდელი კონსანცე ჯაბლონსკი. 26 სექტემბერს უნდა დაერეკათ, მაგრამ არ დამირეკეს. არც მქონდა იმედი, 27-ში იყო "ეტამის" ჩვენება და სწორედ იმ დღეს დამირეკეს, 5-ის ნახევარზე ჩვენებაა და ბექსტეიჯში უნდა იყოო. ნერვიულობისგან ფაქტობრივად, ვკვდებოდი. ბექსტეიჯში უმეტესად "ვიქტორია სეკრეტის" მოდელები იყვნენ, მხოლოდ მე ვიყავი დამწყები. მაკიაჟის დროს მეკითხებოდნენ, მერამდენე ჩვენებაზე გამოდიხარო... თავი სიზმარში მეგონა.

- რთული არ არის უცხო ქვეყანაში დამოუკიდებლად ცხოვრება?

- 14 წლიდან დამოუკიდებლად ვცხოვრობ. თუ გინდა საზღვარგარეთ წარმატებას მიაღწიო, კარგი პორტფოლიო უნდა გქონდეს. ამისთვის აზიაში გამგზავრება არის საჭირო, მე 14 წლის ვიყავი და აზიაში წასვლის შემეშინდა, ამიტომ სტამბულში წავედი. მას შემდეგ ასე ვცხოვრობ, ორი თვე საზღვარგარეთ ვარ და შემდეგ ისევ თბილისში ვბრუნდები. ნოემბერში ლონდონში მივდივარ.

- დედა, ლიკა კვარაცხელია, წარსულში ძალიან წარმატებული მოდელი იყო, ამან იმოქმედა თქვენი პროფესიის არჩევაზე?

- დედას ჩუმად ვაკვირდებოდი როგორ იკეთებდა მაკიაჟს, როცა სახლიდან გადიოდა ვიპარავდი მის მაკიაჟს და თავად ვიკეთებდი. ბავშვობიდან მომწონდა პოზირება და გაპრანჭვა. დედა მოდელობასთან დაკავშირებით რჩევებს არასდროს მაძლევს. ძირითადად მეუბნება, რომ კარგი განათლება მივიღო. - სად აპირებთ სწავლის გაგრძელებას? - საზღვარგარეთ მინდა სწავლის გაგრძელება. წელს ალბათ არ ჩავაბარებ, მინდა ვიმოგზაურო და მოდელობას დავუთმო ეს წელი. ნიუ-იორკშიც მინდა ბედი ვცადო.

- ცნობილია, რომ ქართველი მორაგბის ლაშა ლომიძის შეყვარებული ხართ, სად გაიცანით?

- მე და ლაშა ერთი წელია შეყვარებულები ვართ. სად გავიცანი და დანარჩენ დეტალებს არ გავამხელ.

თამარ ბოჭორიშვილი

Ambebi.ge

"ანტიგმირი უნდა დამალო" -  გია ხუხაშვილი  პარლამენტიდან ვანო ზარდიაშვილის წასვლაზე

უკრაინის პროკურატურამ მიხეილ სააკაშვილის მიმართვაზე საქმე აღძრა

ვანო ზარდიაშვილი პარლამენტს ტოვებს - "ჩემ უკან დგას ჩემი ოჯახი და მცირეწლოვანი შვილები..."