ირაკლი სესიაშვილმა არჩევნების მეორე ტურში გამარჯვება მოიპოვა

ირაკლი სესიაშვილმა საპარლამენტო არჩევნების მეორე ტურში გამარჯვება მოიპოვა. თელავის ოცდამეშვიდე მაჟორიტარულ ოლქში, ცესკოს წინასწარი მონაცემებით, "ქართული ოცნება-დემოკრატიული საქართველოს" კანდიდატმა ირაკლი სესიაშვილმა ხმათა 69,46 % დააგროვა.

რაც შეეხება "ნაციონალური მოძრაობის" კანდიდატს, გიორგი ბოტკოველს, ცესკოს წინასწარი მონაცემებით, მან ხმათა 30,54% აიღო.

თელავის ოცდამეშვიდე მაჟორიტარულ ოლქში 47 უბნიდან ყველა დათვლილია.