ახალი პარლამენტის თავმჯდომარისა და მისი მოადგილეების ვინაობა საბოლოოდ გასაჯაროვდა

პარტია "ქართული ოცნება - დემოკრატიული საქართველომ" საპარლამენტო თანამდებობებზე წარსადგენი კანდიდატურები გაასაჯაროვა. როგორც პარტიის განცხადებაშია ნათქვამი, დღეს გაიმართა პარტია "ქართული ოცნება - დემოკრატიული საქართველოს" პოლიტიკური საბჭოს სხდომა და ახალი საპარლამენტო უმრავლესობის შეკრება, რომელზეც მიღებულია გადაწყვეტილებები საპარლამენტო თანამდებობებზე წარსადგენი კანდიდატურების შესახებ.

პოლიტსაბჭოს და საპარლამენტო უმრავლესობის გადაწყვეტილებით, საპარლამენტო თანამდებობებზე წარდგენილი იქნება შემდეგი კანდიდატურები:

პარლამენტის თავმჯდომარე პარტიის აღმასრულებელი მდივანი ირაკლი კობახიძე იქნება. მისი მოადგილეების ადგილები კი შემდეგნაირად განაწილდა პარტიის სახეებს შორის:

- პარლამენტის თავმჯდომარის პირველი მოადგილე - თამარ ჩუგოშვილი

- პარლამენტის თავმჯდომარის მოადგილე - გიორგი ვოლსკი

- პარლამენტის თავმჯდომარის მოადგილე - ზვიად ძიძიგური

- პარლამენტის თავმჯდომარის მოადგილე აჭარიდან - ილია ნაკაშიძე

ამასთან, საპარლამენტო უმრავლესობის ლიდერი არჩილ თალაკვაძე იქნება.

წაიკითხეთ როგორ განაწილდა თანამდებობები პარლამენტში - "ქართული ოცნება" საგანგებო განცხადებას ავრცელებს