თენგიზ ფხალაძე - ცოტა ფრთხილად "სამძიმრებში" ამერიკელების მიმართ, ჩვენს თავს მივხედოთ

თენგიზ ფხალაძე - ცოტა ფრთხილად "სამძიმრებში" ამერიკელების მიმართ, ჩვენს თავს მივხედოთ

ამერიკელებზე მეტად ნუ ვიქნებით მათი "ლხინისა თუ ჭირისუფლები", ჩვენს თავს მივხედოთ, - ასე ეხმაურება საქართველოს პრეზიდენტის საგარეო ურთიერთობათა მდივანი თენგიზ ფხალაძე აშშ-ის საპრეზიდენტო არჩევნების შედეგებთან დაკავშირებით ქართული საზოგადოების ნაწილის მიერ გაჟღერებულ რეაქციებს.

ფხალაძე სოციალურ ქსელ Fაცებოოკ-ში, საკუთარ გვერდზე ტრამპის პრეზიდენტობის შესახებ რამდენიმე, მისი აზრით, მნიშვნელოვანი საკითხის შესახებ წერს.

"საქართველოსადმი ამერიკის ინტერესი გრძელვადიანია. დამოუკიდებლობის აღდგენიდან დღემდე, 25 წლის განმავლობაში ყურადღება და დახმარება არც "რესპუბლიკელებისგან" მოგვკლებია და არც "დემოკრატებისგან". რას და როგორ გამოვიყენებთ, ჩვენზეა დამოკიდებული;

არავინ იცის, როგორი პრეზიდენტი იქნება ტრამპი. ამ ადამიანს საჯარო სამსახურში არასოდეს უმუშავია. წინასაარჩევნო კამპანია და რეალური პოლიტიკური ნაბიჯები ხშირად ერთმანეთისაგან განსხვავდება. მხოლოდ იმას ვიტყვი, რომ ადამიანი, რომელმაც ცხოვრებაში რამდენჯერმე შესძლო ფეხზე წამოდგომა და ბოლოს აშშ-ს პრეზიდენტის არჩევნების მოგება, პატივისცემას ნამდვილად იმსახურებს;

ტრამპის გამარჯვება კიდევ ერთი გაკვეთილია იმისა, რომ თუ გინდა, რომ ხალხმა აგირჩიოს, ხალხთან უნდა იყო, მისი პრობლემა უნდა გესმოდეს და მის ენაზე ლაპარაკობდე. დიახ, მის ენაზე და არა ცოტა "ბომონდშიათქვეფილ, ინტელექტუალ-ყოვლისმცოდნე ზემოდან გადმოხედვით";

ცოტა ფრთხილად "სამძიმრებში" ამერიკელების მიმართ. გაითვალისწინეთ, რომ ეს ტრამპი სწორედ ამერიკელებმა აირჩიეს და არა უცხოპლანეტელებმა. ვიღაც შეიძლება ამერიკაში აკრიტიკებს, მაგრამ რაც შინაურისგან მისაღებია, უცხოსგან მიუღებელია. აშშ ის ქვეყანაა, რომელიც ინსტიტუტებს განსაკუთრებულ პატივს სცემს და მის მასხრად აგდებას უცხოს ნამდვილად არ აპატიებს.

დაბოლოს, ძალიან მიყვარს ამერიკა, მაგრამ ამერიკელებზე მეტად ნუ ვიქნებით მისი "ლხინისა თუ ჭირისუფლები", ჩვენს თავს მივხედოთ", - წერს თენგიზ ფხალხაძე.

"ანტიგმირი უნდა დამალო" -  გია ხუხაშვილი  პარლამენტიდან ვანო ზარდიაშვილის წასვლაზე

უკრაინის პროკურატურამ მიხეილ სააკაშვილის მიმართვაზე საქმე აღძრა

ვანო ზარდიაშვილი პარლამენტს ტოვებს - "ჩემ უკან დგას ჩემი ოჯახი და მცირეწლოვანი შვილები..."