კვირის ყველაზე კითხვადი სტატიები
თვის ყველაზე კითხვადი სტატიები
10:15 / 11-01-2017
ქართველი კაცების დისკრიმინაცია თბილისის ღამის კლუბებში - რა დაავალა პრემიერმა შს მინისტრს მთავრობის სხდომაზე
საქართველოს პრემიერ-მინისტრი გიორგი კვირიკაშვილი შინაგან საქმეთა მინისტრს ავალებს, გარკვეულ კლუბებსა და ბარებში ადგილობრივი მამაკაცების მიმართ დისკრიმინაციული მიდგომებით დაინტერესდეს.

იხილეთ ვიდეო

როგორც კვირიკაშვილმა მთავრობის სხდომაზე აღნიშნა, მის ხელთ არსებული ინფორმაციით, "ვარდების მოედნის" ქვემოთ მდებარე ბარებსა თუ სხვადასხვა ობიექტში ხდება კანონდარღვევები.

"ამ კუთხით იყო პრობლემები ადრე. შემდეგ ჩვენ გარკვეული ძალისხმევა გავწიეთ, მაგრამ როგორც ეტყობა, ეს არ აღმოჩნდა საკმარისი. მე მინდა დავავალო შინაგან საქმეთა მინისტრს და სამინისტროს, დაინტერესდეს ამ პრობლემით. საუბარია იმაზე, რომ ხდება დისკრიმინაციული მიდგომა. როგორც მე ვიცი, ადგილობრივ მამაკაცებს არ უშვებენ ამ ობიექტებში და სამწუხაროდ, უშვებენ მხოლოდ მანდილოსნებს. ეს ძალიან მძიმე საკითხია. მე მინდა ყველანაირი ცხელი ემოციებისგან ჩვენ თავი შევიკავოთ და კანონის კუთხით მივუდგეთ ამ საქმეს.

ჩვენ მივიღეთ ანტიდისკრიმინაციული კანონი, რომელიც, სამწუხაროდ, გაშუქდა, რომ არის მხოლოდ ნეგატიური შედეგების მატარებელი, მაგრამ მე მინდა ვთქვა, რომ ამ კანონით ჩვენ გვაქვს საშუალება ასეთ შემთხვევებში დავიცვათ ჩვენი უფლებები. ჩვენ არ გვყავს დასაკარგი არცერთი ახალგაზრდა. ამიტომ მე სრული კატეგორიულობით ვითხოვ ამ პრობლემის მოგვარებას ჩვენი ქვეყნის სახელმწიფო უწყებებისგან. ყველანაირი რეიდების,
ძალადობრივი ქმედებების გარეშე, კანონის სრული გამოყენებით და ამოქმედებით, მინდა, რომ ეს პრობლემა იყოს მოგვარებული უმოკლეს პერიოდში", - განაცხადა პრემიერმა.

კვირიკაშვილმა ასევე სთხოვა ადამიანის უფლებების საკითხში მის თანაშემწეს, სოფიო ჯაფარიძეს, დაინტერესდეს ამ საკითხით და შეისწვალოს, რამდენად დაცულია საქართველოს კანონმდებლობა ასეთ ობიექტებში.

"თუ ეს არის დახურული ტიპის კლუბი, მაშინ მას უნდა ჰქონდეს განაწესი, რომელიც იქნება საჯარო და ხელმისაწვდომი ყველასთვის, რა კრიტერიუმებით ხდება ადამიანების შერჩევა იქ შესვლისთვის. ხოლო თუ ეს არის ღია, საზოგადოებრივი დანიშნულების ობიექტი, მაშინ იგი მთლიანად უნდა დაექვემდებაროს იგივე ანტიდისკრიმინაციული კანონის თვალსაზრისით და არ დაარღვიოს საქართველოს კანონმდებლობა. იმასაც ვიტყვი, რომ ჩვენ ასეთი არც ტურისტი გვინდა და არც დამატებითი შემოსავალი, რომელიც საქართველოს კანონს არად დაგვიდევს", - განაცხადა პრემიერმა.
12:03 / 12-01-2017
iuriburi
0
სტალინსაც ყველაფერს უმალავდნენო???
"ნეტარ არიან ამ ამბების მორწმუნენი"! ეხლა პატარა სტალინებზე!
საოცარია პირდაპირ, კაცი მე-2 წელია პრემიერია და თურმე გუშინ გაიგო:1. აღმაშენებლზე ღამის კაფეებში ქართველ კაცები რომ ვერ სტუმრობენ, ხოლო ე.წ. "ვარდების მოედნის" ქვემოთ რომ არაოფიციალური ბორდელია? 2. იქნება ისიც გუშინ გაიგო, თურმე ლარი 2014წ.ნოემბრიდან დღემდე 110 პუქტით რომ გაუფასურდა? 3. ე.წ. ქვეყანაში რომ ეკონომიკური ზრდა 2%-იც არ არის, ხოლო მისი მეგობარი მევახშე ბანკირები 47%-იან მოგებას აფიქსირებენ ოფიციალურად და ამ ნიხრით ევროპაშიც კი მეორე ადგილზე არიან, სარწმუნო არაოფიციალური წყაროებით კი მათი მოგება 2-3ჯერ მეტია.... 4.იქნება ისიც გააგებინოთ რომ მის ქვეყანაში მილიონამდე ღატაკ-ღარიბია და ამ ქვეყნიდან ხალხი გარბის საშოვარზე ან ნაგვის ბუნკერებში ეძებს ბღუჯა-ბღუჯად ნარჩენებს.................................... ყველაფერ ამაზე იქნება ქვეყნის არაოფიციალურმა უფროსმაც არაფერი იცის და სტალინივით უმალავენ ყველაფერს???
10:22 / 12-01-2017
dato
0
პრემიერის ეს ხმაურიანი განცხადება ძალიან არასერიოზულია. მის ხელშია პოლიცია, პროკურატურა, მოსმენა-გადაღება თუ მიყურადება, ემოქმედათ თავის დროზე და მაგათ სუტენიორ-კრიმუნალებს შავი დღე დაადგებოდათ. ახლა მიყუჩდებიან ცოტა ხნით და ეგ თემა რომ დაკარგავს ინტერესს, ისევ ამოქმედდება ის მიწისქვეშა გარყვნილების ბუდე. მათ სერიოზული მფარველები ჰყავთ პოლიციაში და პროკურატურაში, იმიტომ არ არ გაპრესეს აქამდე არავინ.ფული აჩუმებს ყველას.აბა ერთი ვინმემ სცადოს ასეთი ბარის გახსნა და ფული არ მიიტანოს სადაც ჯერ არს, რა უქნან?!ხოდა, სჯობდა, ჯერ ემოქმედათ სათანადო ორგანოებს, ეპოვათ დანაშაულებრივი ფაქტები და ეჭვმიტანილები სასამართლოსთვის გადაეცათ და არ ეყვირა მჩხავანა კატასავით კვირიკაშვილს წინასწარ! მისი განცხადება იმის აღიარებაა, რომ პოლიცია და პროკურატურა კორუფციის ჭაობში ეფლობა დღითიდღე...
მსგავსი სიახლეები
პრემიერმა მოქალაქეებს მიმართა, რომ სათანადოდ შეაფასონ ყველა განცხადება, რომელიც ამ კუთხით გაკეთდა
ტექნიკა იქნება მობილიზებული იმისთვის, რომ ასეთი წერტილოვანი კერები იქნას ოპერატიულად ჩამქრალი
ქართული მხარე "აბსოლუტურად ყველა ვერსიას და ვარიანტს განიხილავს
"დიდ მწუხარებას გამოვთქვამ ესპანეთში, ბარსელონაში მომხდარი ტერაქტის გამო"
"რც ერთ ქვეყანას არ გააჩნია საქართველოს ნატო-ში გაწევრიანებაზე ვეტოს გამოყენების უფლება"
აშშ-ის ვიცე-პრეზიდენტი სწავლება "ღირსეული პარტნიორის" მონაწილე სამხედროებს შეხვდება.
"სამშენებლო სამუშაოების საინვესტიციო მოცულობა დაახლოებით 50 მილიონი ლარი იქნება"
ჩვენს ხელისუფლებას ერთი წუთი არ გაუტარებია, რომ ეს საკითხი არ ყოფილიყო ნომერ პირველი დღის წესრიგში
ამ კატეგორიის სხვა სიახლეები
18:40 / 26-09-2017  Image ეროვნული ბანკი მოსახლეობას აფრთხილებს
გავრცელდა ფასიანი ქაღალდების შეთავაზების განცხადება, რომელზეც დატანილია მცდარი ინფორმაცია
16:41 / 26-09-2017  Image "მითხრეს სანამ მონასტერს არ ააშენებ, მანამდე არ მოხვიდეო, ანუ ჯერ არ მოვკვდები..." - რას ყვება ანთიმოზ ბიჩინაშვილი კომიდან გამოსვლის შემდეგ
"როცა კომაში ვიყავი, თქვენ არ იცით, იქ რა საოცრებები ვნახე..."
22:00 / 26-09-2017  Image Lingwing.com - ახალი ქართული პლატფორმა, რომელიც უცხო ენების შესწავლას საოცრად გაგიმარტივებთ

თანამედროვე ტექნოლოგიების განვითარების თავბრუდამხვევმა სისწრაფემ ჩვენი ცხოვრების ყველა სფერო შეცვალა

16:38 / 25-09-2017  Image ვისზე იყო დაქორწინებული 40-იანი წლების თბილისის ყველაზე ლამაზი ქალი, ბუბუსია თვალავაძე
როგორც გიზო ნიშნიანიძე თავის მოგონებებში იხსენებს, ბუბუსიას თბილისში "შავ ბრილიანტს" ეძახდნენ
15:59 / 26-09-2017  Image 6 კითხვა, რომელსაც ქრისტე მეორედ მოსვლისას ყოველ ადამიანს დაუსვამს
როცა ღვთის შეუმცდარი სამსჯავროს წინაშე წარსდგება ყველა ადამიანი, განვლილი ცხოვრება აიწონება ქრისტეს მიერ დასმული 6 კითხვით
ინტერნეტკონფერენცია
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49