დავით უსუფაშვილი - ჩემთვის "ნაციონალური მოძრაობიდან" წამოსული ადამიანები იქნებიან საკმაოდ საინტერესო ოპონენტები

დავით უსუფაშვილი - ჩემთვის "ნაციონალური მოძრაობიდან" წამოსული ადამიანები იქნებიან საკმაოდ საინტერესო ოპონენტები

ჩემთვის "ნაციონალური მოძრაობიდან" წამოსული ადამიანები იქნებიან საკმაოდ საინტერესო ოპონენტები, რომლებთან კონკურენციაშიც სერიოზული წარმატების მიღწევისთვის ვიზრუნებ, - ამის შესახებ პარლამენტის ყოფილმა თავმჯდომარემ, "რესპუბლიკური პარტიის" ყოფილმა ლიდერმა, დავით უსუფაშვილმა "პალიტრანიუსის" გადაცემაში "360 გრადუსი" განაცხადა.

მისი თქმით, ე.წ ბოკერია-უგულავას ფლანგი ქართულ პოლიტიკურ სივრცეში ერთ-ერთი საინტერესო გუნდია, თუმცა თავად მათ შეხედულებებს 2004 წლიდან გაემიჯნა. პარლამენტის ყოფილი თავმჯდომარის განცხადებითვე, საქართველოს სჭირდება პოლიტიკურ პროცესში ჩართული პარტიები, რომლებსაც აქვთ უნარი, ქვეყნის წინ წასაყვანად ერთმანეთთან ითანამშრომლონ.

"მე ვიცი, რომ პოლიტიკური გუნდი, რომლის ფორმირების პროცესში მეც ვმონაწილეობ, ჩართული იქნება კონკურენციაში ყველასთან, ვისაც ამის სურვილი ექნება და "ნაციონალური მოძრაობიდან" წამოსულ პირებს აშკარად აქვთ ამის სურვილი. ჩემთვის "ნაციონალური მოძრაობიდან" წამოსული ადამიანები იქნებიან საკმაოდ საინტერესო ოპონენტები, რომლებთან კონკურენციაშიც სერიოზული წარმატების მიღწევისთვის ვიზრუნებ. დანარჩენი, ვის რა ბედი ელის, ეს გადამწყვეტი იქნება არჩევნებზე და ეს ამომრჩევლის გადასაწყვეტია. ჩემთვის ეს გუნდი არის ერთი-ერთი საინტერესო ოპონენტი ქართულ პოლიტიკურ სივრცეში. მე მათ ხედვებს, მიზნებს თუ პოლიტიკურ ამოცანებს 2004 წლის ივნისში გავემიჯნე. თუ რამე საკითხს გადაიაზრებენ, უკეთ ჩამოყალიბდებიან, სახელმწიფოს როლზე თუ კანონის უზენაესობაზე, ეს მხოლოდ კარგი იქნება. ქართულ პოლიტიკურ სივრცეს არ სჭირდება მორიგი "გადამრჩენი ქვეყნის", არამედ სჭირდება პოლიტიკურ პროცესში ჩართული პარტიები, რომლებსაც აქვთ უნარი ერთმანეთთან მკვეთრი დაპირისპირების, დებატების, მაგრამ ასევე აქვთ უნარი ერთმანეთთან თანამშრომლობის, ქვეყნის წინ წასაყვანად", - განაცხადა დავით უსუფაშვილმა.

"ანტიგმირი უნდა დამალო" -  გია ხუხაშვილი  პარლამენტიდან ვანო ზარდიაშვილის წასვლაზე

უკრაინის პროკურატურამ მიხეილ სააკაშვილის მიმართვაზე საქმე აღძრა

ვანო ზარდიაშვილი პარლამენტს ტოვებს - "ჩემ უკან დგას ჩემი ოჯახი და მცირეწლოვანი შვილები..."