პრეზიდენტის კომენტარი "რუსთავი 2"-ის გარშემო მიმდინარე პროცესებზე

"რუსთავი 2"-ის ფუნქციონირება მნიშვნელოვანია ქვეყნისთვის, ისევე, როგორც ყველა სხვა არხის, - ამის შესახებ საქართველოს პრეზიდენტმა გიორგი მარგველაშვილმა ტელეკომპანია "პირველის" ეთერში სამაუწყებლო კომპანია "რუსთავი 2"-ის გარშემო მიმდინარე მოვლენების კომენტირებისას განაცხადა.

"რუსთავი 2", თქვენი ტელევიზია, ქართული მედიასივრცე არის რეალურად ქვეყნის მეოთხე ხელისუფლება, თქვენ ქმნით პოლიტიკურ ამინდს, იძლევით შეფასებებს და აყალიბებთ იმას, რაზეც ჩვენ ვმუშაობთ. თქვენ ქმნით პოლიტიკურ ამინდს სახელმწიფოში. მინდა დავადასტურო, რომ "რუსთავი 2"-ის ფუნქციონირება მნიშვნელოვანია ქვეყნისთვის, ისევე, როგორც ყველა სხვა არხის. სხვა ინფორმაცია არ მაქვს", - განაცხადა გიორგი მარგველაშვილმა.