ვიყავი ზუგდიდში, ხურჩაში, ენგურის ხიდზე, ვნახე საერთაშორისო სამართლის დარღვევები, ანექსია, - ამის შესახებ ლიტვის საგარეო საქმეთა მინისტრმა ლინას ლინკევიჩუსმა საქართველოს საგარეო საქმეთა მინისტრ მიხეილ ჯანელიძესთან გამართულ ერთობლივ პრესკონფერენციაზე განაცხადა.
“ვიყავი ზუგდიდში, ასევე ხურჩაში, ენგურის ხიდზე და ვნახე დარღვევები საერთაშორისო სამართლის, მიუღებელი საქციელი, ანექსია მეზობელი ქვეყნის. მე ვთქვი და გავიმეორებ: ძალიან მნიშვნელოვანია გავაგრძელოთ არაღიარების პოლიტიკა, ის კურსი, რომელიც არის პოლიტიკური, სამართლებრივი და დიპლომატიური ურთიერთობები, რადგან რთული სიტუაციაა. ჩვენ უნდა გავაგრძელოთ რეფორმები ამ სირთულეების მიუხედავად, სწორედ ამიტომ ვართ აქ. თქვენ ხართ მოწინავე ქვეყანა და მოდით შევინარჩუნოთ ეს მოტივირებულობა”, - განაცხადა ლინკევიჩუსმა და ლიტვა-საქართველოს თანამშრომლობაზე ისაუბრა.