ნიკა მელია პარლამენტის წევრის მანდატს ტოვებს

მივიღე გადაწყვეტილება, დავტოვო პარლამენტი და ამ ქალაქის და ამ ქვეყნის გადასარჩენად და „ქართული ოცნების“ დასამარცხებლად ვიბრძოლო თბილისის საკრებულოდან, - ამის შესახებ „ნაციონალური მოძრაობის“ თბილისის საკრებულოს თავმჯდომარეობის კანდიდატმა ნიკა მელიამ განაცხადა.

„დღეს თქვენს წინაშე ვაცხადებ ჩემი და ჩემი მეგობრების, ჩვენი პოლიტიკური გაერთიანების წინაშე, რომ კენჭი ვიყარო თბილისის საკრებულოს თავმჯდომარეობის პოსტზე და აქედან შევუტიო ბიძინა ივანიშვილის ოლიგარქიულ რეჟიმს, ოლიგარქიულ წესწყობილებას“, - განაცხადა ნიკა მელიამ.

მისი განცხადებით, ერთობით დამარცხდება უკუსვლა.

"ინტერპრესნიუსი"