ინციდენტი მთაწმინდის პარკში, კახი კალაძის მერობის კანდიდატად წარდგენის პარალელურად

"ბავშვთა სამყაროში" გაჩენილი ხანძრის შედეგად დაზარალებულების აქციაზე მცირე ინციდენტი მოხდა. აქციის მონაწილეებთან მამაკაცი მივიდა, რომელმაც აქციის ერთ-ერთ მონაწილეს ძალის გამოყენებით ხმის გამაძლიერებელი წაართვა და ტერიტორიიდან გაიქცა.

აქციის მონაწილეთა განცხადებით, აქციაზე მობილიზებულ სამართალდამცავებს ინციდენტზე რეაგირება არ მოუხდენიათ.

აქციის მონაწილეები ხელისუფლებას, მათი პრობლემისადმი უყურადღებობაში ადანაშაულებს. ნაწილი კი, კალაძის თბილისის მერობის კანდიდატად წარდგენას აპროტესტებდა.

მთაწმინდის პარკში საქართველოს პრემიერ-მინისტრმა, პარტია "ქართული ოცნების" თავმჯდომარემ, გიორგი კვირიკაშვილმა პარტიის თბილისის მერობის კანდიდატად კახა კალაძე ოფიციალურად წარადგინა.

ნახეთ ვიდეო