დავით ნარმანია - რა დროს მიხეილ სააკაშვილია, გაკოტრდა ეგ კაცი, გაკოტრდა

გაკოტრდა ეგ კაცი, - ამ რეპლიკით უპასუხა დედაქალაქის მერმა, დავით ნარმანიამ საქართველოს ყოფილ პრეზიდენტ, მიხეილ სააკაშვილისთვის უკრაინის მოქალაქეობის ჩამორთმევასთან დაკავშირებით დასმულ შეკითხვას.

"კარგი, რა დროს მიხეილ სააკაშვილია, გაკოტრდა ეგ კაცი, გაკოტრდა", - განუცხადა დავით ნარმანიამ ჟურნალისტებს სააკაშვილის შესახებ დასმული კითხვის საპასუხოდ.

უკრაინის პრეზიდენტ პეტრო პოროშენკოს ბრძანებით, მიხეილ სააკაშვილს უკრაინის მოქალაქეობა ჩამოერთვა. ამის მიზეზად მოქალაქეობის მიღების პროცედურის დროს არასწორი ინფორმაციის მიწოდება დასახელდა.