ნიკა მელია დავით კეზერაშვილზე: "ნაციონალური მოძრაობის" დროს ყაჩაღობით, ქურდობით და ძარცვით იშოვა მილიონები"

ნიკა მელია დავით კეზერაშვილზე: "ნაციონალური მოძრაობის" დროს ყაჩაღობით, ქურდობით და ძარცვით იშოვა მილიონები"

"ნაციონალური მოძრაობის" ერთ-ერთი ლიდერის ნიკა მელიას განცხადებით, დავით კეზერაშვილი, რომელმაც "ყაჩაღობით, ქურდობით და ძარცვით" იშოვა ფული, დღეს "ევროპულ საქართველოს" აფინანსებს. აღნიშნული განცხადება ნიკა მელიამ ტელეკომპანია "პირველის" გადაცემაში "დიანა ტრაპაიძის დღის ამბები" გააკეთა.

მისი განცხადებით, დავით კეზერაშვილი "ნაციონალური მოძრაობის" სირცხვილი იყო.

"არ მაქვს მორალური უფლება ვაკრიტიკო ფარცხალაძე სამართლიანად, როდესაც ვიცი, რომ მილიონებს შოულობს, რადგან ასევე ვიცი, რომ "ნაციონალურ მოძრაობაში" წლების წინ იყო დავით კეზერაშვილი, რომელმაც სრულიად გაურკვევლად - ყაჩაღობით, ქურდობით და ძარცვით იშოვა მილიონები, ახლა კი ბიძინა ივანიშვილის მიერ შექმნილ "ევროპულ საქართველოს" აფინანსებს.

დავით კეზერაშვილი და კიდევ სხვა ადამიანები იყვნენ სირცხვილნი "ნაციონალური მოძრაობის" და ვერავითარ შემთხვევაში ვერ ავიღებ პასუხისმგებლობას დავით კეზერაშვილისნაირ ადამიანებზე. საკუთარი ინტელექტუალური შესაძლებლობებით იშოვა მილიონები? - ის როცა ფინანსურ პოლიციაში მუშაობდა ძარცვავდა ხალხს ისევე, როგორც ფარცხალაძე ძარცვავს დღეს მთელ საქართველოს", - განაცხადა ნიკა მელიამ.

მისი თქმით, "ნაციონალური მოძრაობა" არის სრულიად განახლებული პარტია და მასში ვეღარ იქნებიან "მოღალატე უგულავები და ბოკერიები ან კორუმპირებული კეზერაშვილები და ფარცხალაძეები".

მელიას მტკიცებით, ბიძინა ივანიშვილთან ერთად გიგი უგულავა, გიგა ბოკერია და დავით კეზერაშვილი ცდილობდნენ დანგრეულიყო "ნაციონალური მოძრაობა", მაგრამ მათ არაფერი გამოუვიდათ.

"ანტიგმირი უნდა დამალო" -  გია ხუხაშვილი  პარლამენტიდან ვანო ზარდიაშვილის წასვლაზე

უკრაინის პროკურატურამ მიხეილ სააკაშვილის მიმართვაზე საქმე აღძრა

ვანო ზარდიაშვილი პარლამენტს ტოვებს - "ჩემ უკან დგას ჩემი ოჯახი და მცირეწლოვანი შვილები..."