რას პასუხობს პრეზიდენტის მრჩეველი გიორგი ანდრიაძის ბრალდებებს

რას პასუხობს პრეზიდენტის მრჩეველი გიორგი ანდრიაძის ბრალდებებს

ჩვენ აბსურდებს არ ვპასუხობთ, თუმცა ყურადღებით ვაკვირდებით, რომელი პოლიტიკოსები ჩაებმებიან ამ ბინძურ თამაშში, - ამის შესახებ საქართველოს პრეზიდენტის მრჩეველმა კახა კოჟორიძემ გიორგი ანდრიაძის ბრალდებების საპასუხოდ განაცხადა.

"სამწუხაროდ, ეს არ არის პირველი შემთხვევა, როდესაც ვრცელდება ინფორმაცია, რომ ადამიანი, რომელსაც შესაძლებელია უმძიმესი დანაშაული ჰქონდეს ჩადენილი, ცდილობს, ყურადღება გადაიტანოს პრეზიდენტის აბსოლუტურად აბსურდული კრიტიკით. სამწუხაროდ, როგორც ჩანს, ასეთი ადამიანები ფიქრობენ, რომ პრეზიდენტის კრიტიკა იქნება ინდულგენცია. ჩვენ არასდროს მსგავს აბსურდებს არ ვპასუხობთ, თუმცა ცხადია, ჩვენც და ალბათ, საზოგადოებაც ყურადღებით ვაკვირდებით, თუ რომელი პოლიტიკოსები ჩაებმებიან ამ ბინძურ თამაშში", - განაცხადა კოჟორიძემ.

საპატრიარქოს უნივერსიტეტის სამეთვალყურეო საბჭოს თავმჯდომარე გიორგი ანდრიაძე პარლამენტის თავმჯდომარეს და საპარლამენტო უმრავლესობას ღია წერილით მიმართავს. მიმართვაში ანდრიაძე პრეზიდენტ გიორგი მარგველაშვილს "საქართველოს ერთიანობის მტრების - თურქეთის მოქალაქეებისთვის" საქართველოს ორმაგი მოქალაქეობის მინიჭებაში ადანაშაულებს და პარლამენტს შესაბამისი ინფორმაციის გამოთხოვას სთხოვს.

"ვისაც არ აქვს უნარი, თავი შეიკავოს, საერთოდ არ უნდა იყოს პოლიტიკაში" - რას პასუხობს ნინო ბურჯანაძე თაკო ჩარკვიანს

"ჩემი თაობის პოლიტიკოსებს მივმართავ, გავიწიოთ გვერდზე, კარგი შვილები გვყავს და ნუ დაველოდებით, სანამ მათაც ახეხინებენ იზოლატორებს" - დავით ბერძენიშვილი

"ნუ აყენებთ ხალხს შეურაცხყოფას, ეს ხალხი "ბოკერია- ბურჯანაძის" პოლიტიკური გვამების გასაცოცხლებლად არ მოდის!" - თაკო ჩარკვიანი