ოფიციალურად ცნობილია, რომელ უწყებას ჩაიბარებს გიორგი მღებრიშვილი
საქართველოს შინაგან საქმეთა ყოფილი მინისტრი გიორგი მღებრიშვილი საგანგებო სიტუაციების მართვის ცენტრს უხელმძღვანელებს. როგორც პრემიერ-მინისტრმა გიორგი კვირიკაშვილმა მთავრობის ადმინისტრაციაში გამართულ ბრიფინგზე განაცხადა, საგანგებო სიტუაციების მართვის ცენტრი კრიზისების საბჭოსა და საგანგებო სიტუაციების მართვის სააგენტოს შერწყმის შედეგად ჩამოყალიბდება. აღნიშნული სამსახური პრემიერს დაექვემდებარება.
"დაგეგმილი ცვლილებების თანახმად, შინაგან საქმეთა სამინისტროში დღეს მოქმედი საგანგებო სიტუაციათა მართვის სააგენტო და სახელმწიფო უსაფრთხოებისა და კრიზისების მართვის საბჭოს შერწყმისა და რეორგანიზაციის შედეგად, იქმნება საგანგებო სიტუაციების მართვის ცენტრი და მას უხელმძღვანელებს გიორგი მღებრიშვილი. ეს იქნება ოპერატიული ფუნქციებით და შესაბამისი ტექნიკით აღჭურვილი სამსახური, რომელიც პირდაპირ პრემიერს დაექვემდებარება. გიორგი მღებრიშვილი თავისი გამოცდილებით ამ სტრუქტურის კარგი ხელმძღვანელი იქნება", - განაცხადა კვირიკაშვილმა.
წაიკითხეთ: პრემიერის ბრიფინგი სამთავრობო ცვლილებებზე - ოფიციალურად, ვინ ტოვებს მინისტრის პოსტს და ვინ მოდის სამთავრობო გუნდში
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
უკრაინის პროკურატურამ მიხეილ სააკაშვილის მიმართვაზე საქმე აღძრა
