კვირის ყველაზე კითხვადი სტატიები
თვის ყველაზე კითხვადი სტატიები
11:32 / 13-11-2017
რა ვიცით განათლების ახალ მინისტრზე, რომელიც "პროფესორის ოსკარის" მფლობელია
განათლებისა და მეცნიერების სამინისტროს უერთდება სპორტისა და ახალგაზრდობის საქმეთა სამინისტროს ახალგაზრდობის საქმეთა მართვის კომპონენტი და მინისტრის პოსტს თბილისის სახელმწიფო უნივერისტეტის პრორექტორი მიხეილ ჩხენკელი დაიკავებს, - ამის შესახებ პრემიერ-მინისტრმა გიორგი კვირიკაშვილმა დღეს გამართულ ბრიფინგზე განაცხადა. მიხეილ ჩხენკელი მინისტრის პოსტზე ალექსანდრე ჯეჯელავას შეცვლის.

როგორც კვირიკაშვილმა აღნიშნა, მიხეილ ჩხენკელს კარგად იცნობენ აკადემიურ წრეებში.

"ის პროფესიით გახლავთ მათემატიკოსი. მან აშშ-ში დაამთავრა პენსილვანიის უნივერისტეტის დოქტორანტურა. იგი 20 წლის განმავლობაში ასწავლიდა ამერიკის წამყვან უნივერსიტეტებში. მიხეილ ჩხენკელს მიღებული აქვს მრავალი ჯილდო სამეცნირო და პედაგოგიური მოღვაწეობისთვის, მათ შორის,
პენსილვანიის უნივერისტეტის არაერთი ჯილდო საუკეთესო სწავლებისთვის და ა.შ. იგი კითხულობს ლექციებს აშშ-ში და აქვს მჭიდრო პროფესიული კავშირები მრავალ წამყვან უნივერსიტეტთან", - განაცხადა კვირიკაშვილმა.

თსუ-ს პრორექტორის ბიოგრაფიაში, რომელიც უნივერსიტეტის ვებგვერდზეა გამოქვეყნებული ვკითხულობთ, რომ მიხეილ ჩხენკელმა ოქროს მედლით დაამთავრა თბილისის პირველი საშუალო სკოლა. მან წარჩინებით დაამთავრა თბილისის სახელმწიფო უნივერსიტეტის მექანიკა-მათემატიკის ფაკულტეტი, სადაც იგი იყო აკადემიკოს მუსხელიშვილის სახელობის სტიპენდიანტი. მიხეილ ჩხენკელმა ამერიკის შეერთებულ შტატებში დაამთავრა პენსილვანიის უნივერსიტეტის დოქტორანტურა, სადაც მას მიენიჭა მათემატიკის დოქტორის სამეცნიერო ხარისხი.

მიხეილ ჩხენკელი 20 წლის განმავლობაში ასწავლიდა ამერიკის წამყვან უნივერსიტეტებში. მას მიღებული აქვს მრავალი ჯილდო სამეცნიერო და პედაგოგიური მოღვაწეობისთვის, მათ შორის "საპროფესორო ოსკარი" საუკეთესო სწავლებისთვის, პენსილვანიის უნივერსიტეტის 9 ჯილდო საუკეთესო სწავლებისთვის, Goldman Sachs-ის ფონდის პრემია, სამეცნიერო-კვლევითი გრანტები და სტიპენდიები. იგი არის მრავალი სამეცნიერო სტატიის ავტორი, ამერიკაში გამოცემული წიგნების რეცენზენტი და სამეცნიერო-კვლევითი საზოგადოებების წევრი.

ამერიკის უნივერსიტეტებში მოღვაწეობისას მიხეილ ჩხენკელი იყო მათემატიკის დეპარტამენტის კომპიუტინგის კომიტეტის თავმჯდომარე, პროფესორთა სენატის წევრი, მათემატიკის და კომპიუტერული მეცნიერების საკონკურსო კომიტეტების წევრი, ტექნოლოგიის, ანალიტიკური აზროვნების, აკადემიური სტანდარტების კომიტეტების წევრი, ამერიკის მათემატიკური საზოგადოების სტუდენტთა სამეცნიერო კონფერენციების ჟიურის წევრი, სამეცნიერო-კვლევითი კონფერენციების და მათემატიკური ოლიმპიადების ორგანიზატორი, Cengage Learning-ის მრჩეველი და გოლდვოტერის პრემიის კომიტეტის წევრი.

მიხეილ ჩხენკელი მონაწილეობს საერთაშორისო სამეცნიერო კონფერენციებში, მათ შორის ამერიკის მათემატიკური საზოგადოების და ამერიკის მათემატიკური ასოციაციის სამეცნიერო კონფერენციებში. იგი მონაწილეობს ახალი კურიკულუმების შემუშავებაში და კვლავ კითხულობს ლექციებს ამერიკის შეერთებულ შტატებში. მას აქვს მჭიდრო პროფესიული კავშირები ამერიკის მრავალი წამყვანი უნივერსიტეტის პროფესორებთან, მათ შორის ჰარვარდის, პრინსტონის, პენსილვანიის, იელის, კოლუმბიის, ბრაუნის, კორნელის, ჩიკაგოს, ბერკლის, ნიუ იორკის, ჯონს ჰოპკინსის უნივერსიტეტებში და მასაჩუსეტსის ტექნოლოგიის ინსტიტუტში. მიხეილ ჩხენკელი არის ამერიკის უნივერსიტეტების პროფესორთა ასოციაციის წევრი.
15:26 / 20-11-2017
რამო მორანი
0

განათლების სისტემაში, ისევე როგორც მთელს ქვეყანაში, სრული ქაოსია. დაანგრიეს საბჭოთა განათლების სისტემა, როგორც იდეოლოგიურად მიუღებელი, მაგრამ უკეთესი მივიღეთ რაიმე? სრული ანარქიაა და გამალებული ლაშქრობა ფულის საკეთებლად. სააკაშვილის დროს დაწყებული ე. წ. ანარქიული განათლების რეფორმა, ფულის კეთების ამოუწურავი წყარო ზემოთ მოკალათებული ჩინოვნიკებისა და მათი სამსახურებისათვის,დღესაც გრძელდება, ოღონდ სახეშეცვლილი, რითაც სიახლის და რაღაცის გაუმჯობესების მუდმივ მოლოდინში ამყოფებენ საზოგადოებას! სააკაშვილის დროინდელმა რეფორმამ მიწასთან გაასწორა მასწავლებლის ავტორიტეტი! მასწავლებელი განიარაღებული დარჩა, ყველა უფლებისგან განძარცული,დამცრობილი, გაქელილი! შესაბამისად სავალალოდ შეიცვალა მშობლებისა და მოსწავლეების დამოკიდებულება მასწავლებლის მიმართ! სკოლებში უკიდურესად დაეცა დისციპლინა აღმზრდელობითი საქმიანობის მოშლის გამო, რაც რეფორმად წოდებულმა ანტირეფორმამ გამოიწვია! მოსწავლე ადრე მასწავლებელს რიდით აუქცევდა გვერდს და თავაზიანად მიესალმებოდა; მასწავლებელმა ქუჩაში უსაქმოდ არ დამინახოსო ფიქრობდა და იმალებოდა. დღეს სკოლებში ისეთი გნიასია და ჯირითი, თავი ჯოჯოხეთში გეგონება. ყველაფრის უფლების მქონე მოსწავლე ისე დაეჯახება ყოვლად უუფლებო მასწავლებელს ფერდში და უკანმოუხედავად გაიქცევა, თითქოს რაღაც (და არა ვიღაც) საგანს გამოედო შემთხვევით, რომლისთვისაც ყურადღების მიქცევა არც კი ღირს. ბოდიში რა სათქმელია, ბოდიში ქართული სიტყვიერებიდან ამოღებულია. მასწავლებელი დაბალი ღობეა, რომელსაც ვისაც როგორც უნდა ისე გადათელავს..
სწავლებისა და სწავლის ხარისხს უჩივიან. მასწავლებელს ბრალდება. ამ დროს ბრალში ე. წ. ინოვაციური, მძიმეწონიანი, გადამეტსურათხატებული, ორკომპონენტიანი სახელმძღვანელოებია, ხშირად გადატენილი ასაკისთვის მიუწვდომელი და შეუფერებელი საკითხებით, რომელთა შესწავლა უმაღლეს სასწავლებელშია უპრიანი.! და არა მარტო! მოსწავლეებს დღედაღამ მობილურებში აქვთ ჩარგული თავი და კომპიუტერებთან ათენ-აღამებენ. გაკვეთილზეც კი იშვიათად თუ ვინმე უსმენს მასწავლებელს, მათი ფიქრები სადღაც ციფრულ სამყაროშია. მშობლები ხელებს მასწავლებლებს ახოცავენ, თავად რომ ვერანაირ კონტროლს ვერ უწევენ შვილებს და დაწყებით კლასშიც კი ვერ ეხმარებიან თავიანთი უცოდინარობის ან მოუცლელობის გამო...
თურმე მასწავლებლები რეპეტიტორობას ეწევა, აეკრძალოსო! რომელ მასწავლებელს სიამოვნებს საგაკვეთილო პროცესის შემდეგ, ოჯახისთვის და პირადი ცხოვრებისთვის განკუთვნილ დროს, ღამის 10 საათამდე მოსწავლეებს უჩიჩინოს?! მიეცით შესაფერისი ხელფასი, რომელიც მინიმალურად მაინც დააკმაყოფილებს მათს საოჯახო მოთხოვნილებებს და დაინახავთ თუ როგორ მკვეთრად შემცირდება რეპეტიტორების რაოდენობა. მაგრამ ის რომ თქვენმა შვილმა არ იცის საგანი არა მასწავლებლის, არამედ ანარქისტული რეფორმების და მშობლების ბრალია. ორკომპონენტიანი სახელმძღვანელოები,-დაბეჭდილი მძიმე ქაღალდზე, აჭრელებული ფერადი ილუსტრაციებით, წიგნების მოცულობის და, შესაბამისად, ფასის გასაზრდელად; სახელმძღვანელოების ალტერნატიული ვარიანტები; გრიფირება, არაფრის მომცემი ტრენინგების სისტემა, მასწავლებელთა გამოცდები, საზღვარგარეთიდან შემოტანილი თეორიები, ჩიქორთულად გადმოქართულებული, გაძეძგილი ბარბარიზმებით, გაუგებარი, არაადამიანური, არავისთვის საჭირო ტერმინებით; ქაღალდომანიას პლუს კომპიუტერომანია, რომელსაც მასწავლებლის უამრავი დრო მიაქვს და მუდმივი უაზრო ფაციფუცისა და სტრესის მდგომარეობაში ამყოფებს. თანამედროვე, ინოვაციური, რკინისფეხებიანი მერხები, ხერხემლის გარანტირებული გამრუდებისა და კლასში ბრაგაბრუგის გამომწვევი საშუალება. იდიოტური ათქულიანი შეფასების სისტემა: არანაკლებ იდიოტური მოსწავლეთა დასწრებისა და შეფასების აღრიცხვის ჟურნალი, თავისი არანაკლებ იდიოტური წარმოების წესით; ეროვნული გამოცდები, რომელზედაც ხშირად წერაკითხვის უცოდინარიც კი სძლევს ბარიერს და სტუდენტი ხდება! აი, დღევანდელი განათლების სისტემის რეფორმის შედეგი, საუკეთესო საშუალება ფულის გათეთრებისათვის. და ყველაფერი ეს ურაპატრიოტულ ჩვარში გახვეული!
ქვეყანა, რომელიც მასწავლებლის ავტორიტეტს არ უფრთხილდება, უეჭველად ჩამოიქცევა! ასეა ეს!
15:24 / 20-11-2017
ვაი ჭკუისაგან!
0
დღეს არც სახელმძღვანელოები გვივარგა და ამ ე.წ. განათლების რეფორმებით ხომ საერთოდ მიწასთან გაასწორეს სისტემა. სამრეწველო პოტენციალის, სოფლის მეურნეობის დარგების და მეცნიერების საყოველთაო ნგრევის პათოსს, რაც 90-იან წლებში დაიწყო, ვერც განათლების სისტემა გადაურჩა. ქაღალდზე ბევრი რამ წერია, მაგრამ სასწავლო ინფრასტრუქტურა საერთოდ ახლოს არ მიდის მოთხოვნებთან. ყველა საგანს დღეს სათანადო ტექნიკით აღჭურვილი კაბინეტები უნდა ჰქონდეს. მაგრამ სადაა! ვინ ფიქრობს ამაზე? ქაღალდომანია და კომპიუტერომანია უმაღლეს დონეზეა აყვანილი და მასწავლებლებს ისეთ აბსურდულ რამეებს ჩასჩიჩინებენ და აიძულებენ წერონ, რასაც მხოლოდ იდიოტიზმი შეიძლება ეწოდოს.
მსგავსი სიახლეები
ჯეჯელავას განცხადებით, ახალ მინისტრს ორ მთავარ გამოწვევას უტოვებს
განათლების ახალი მინისტრის პირველი კომენტარი 
განათლების მინისტრად ალექსანდრე ჯეჯელავას ნაცვლად, სავარაუდოდ, თსუ-ს პრორექტორი დაინიშნება
ამ კატეგორიის სხვა სიახლეები
22:02 / 20-11-2017  Image "თავში ჩამარტყეს ბლაგვი საგანი, ასევე მომაყენეს დანით ჭრილობა" - "ჩცდ"-ის მსახიობზე თავდასხმას შსს იძიებს
+VIDEO| "შაგუს ძმაკაციო თუ რაღაც მომესმა...
18:01 / 20-11-2017  Image რას ყვებიან მეზობლები ბათუმში "ბენზეს" დასახლებაში 24 წლის გოგონას გარდაცვალებასთან დაკავშირებით
+VIDEO: გარდაცვლილს ექსპერტიზა ამ დრომდე არ ჩატარებია
18:31 / 20-11-2017  Image ეროვნულმა ბანკმა ლარის ახალი კურსი დაადგინა
ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად
09:36 / 20-11-2017  Image სენსაციური აქცია Jeep Grand Cherokee – 99’000 ლარად !+ ყველაფერი უფასოდ 3 წლიან საგარანტიო პერიოდზე!
Jeep -ის ცენტრში ნამდვილი Jeep -ის შეძენისას ავტომობილის მომსახურებას მიიღებთ აბსოლუტურად უფასოდ სრულ 3 წლიან საგარანტიო პერიოდზე
15:40 / 20-11-2017  Image რუსეთში ქმარს ცოლი 6 წლის განმავლობაში დატყვევებული ჰყავდა და აწამებდა

რინატ ბალიანოვს პარტნიორის  ცემა, წამება და ცოლის თავისუფლების რამდენიმეწლიანი აღკვეთა ბრალდება

პოპულარული კომენტარები
ინტერნეტკონფერენცია
2017-10-15 07:45:43
ბავშვის აღზრდა რთული და ხანგრძლივი...
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49