ნოდარ ნათაძე: გორბაჩოვის შემოშვება საქართველოსთვის სილის გაწვნაა

როგორც სახალხო ფრონტის თავმჯდომარე ნოდარ ნათაძე აღნიშნავს, რუსეთის ყოფილი ხელმძღვანელი მიხეილ გორბაჩოვი საქართველოს მიმართ ჩადენილ უმძიმეს დანაშაულში - მასობრივ მკვლელობაში არის მხილებული. ნათაძე საქართველოში გორბაჩოვის შემოშვებას ქვეყნის შეურაცხყოფად აღიქვამს.

შეგახსენებთ, რომ საბჭოთა კავშირის ყოფილი ხელმძღვანელი მიხეილ გორბაჩოვი საქართველოს აშშ-ის ყოფილ სახელმწიფო მდივანთან კონდოლიზა რაისთან ერთად ეწვევა.

ნოდარ ნათაძე მიიჩნევს, რომ სსრკ-ის ყოფილი მეთაურისა და აშშ-ის საგარეო უწყების ყოფილი ხელმძღვანელის ერთობლივი ვიზიტი შეიძლება იმის მანიშნებელი იყოს, რომ რუსული გეგმით აპირებენ რაღაც ,,დარეგულირების” შემოთავაზებას, ანუ საქართველოს მხრიდან კაპიტულაციის გამოცხადებას.

გაზეთი ”რეზონანსი”