კვირის ყველაზე კითხვადი სტატიები
თვის ყველაზე კითხვადი სტატიები
19:26 / 24-09-2012
მიხეილ სააკაშვილი - "პოლიციელების მოსყიდვის საქმეში მოხსენიებული ალეკო ტაბატაძე ერთ-ერთი ყველაზე დიდი "ნარკობარიგა" იყო "
პოლიციელების მოსყიდვის საქმეში მოხსენიებული ალეკო ტაბატაძე ერთ-ერთი ყველაზე დიდი "ნარკობარიგა" იყო, – ამის შესახებ ჟურნალისტებს საქართველოს პრეზიდენტმა მიხეილ სააკაშვილმა განუცხადა.

მისი თქმით, "ვარდების რევოლუციამდე", ტაბატაძე "ნამდვილი ჯალათის", თბილისის პოლიციის უფროსის, სოსო ალავიძის მარჯვენა ხელი იყო. "არ შეიძლება თბილისელებს ის არ ახსოვდეთ. ის იყო ერთ-ერთი ყველაზე დიდი ნარკობარიგა, რომელიც მთლიანად აკონტროლებდა თბილისში ნარკოტიკებს. ამისთანა ხალხის შედეგად მაშინდელ საქართველოში მთელი თაობა ნემსზე შეჯდა", - განაცხადა სააკაშვილმა.

მისი თქმით, როდესაც მოხდა "ვარდების რევოლუცია" და ნინო ბურჯანაძე ასრულებდა პრეზიდენტის
მოვალეობის, მოულოდნელად გაიგო, რომ ალეკო ტაბატაძე დაუნიშნავთ ქალაქის პოლიციის უფროსად.

"გადავურეკე ეგრევე ნინო ბურჯანაძეს, რადგან ის ბადრი ბიწაძის კადრი იყო და ნახევარ საათში მოვახსნევინე. ამის შემდეგ ბიწაძემ ისევ შეტენა რაღაც თანამდებობაზე და რომ გავიგე, იქაც მოვახსნევინე. მერე გაქცეული იყო უკრაინაში. ძალიან ბევრი ფული წაიღო და ფული ბევრი ჰქონდა, იმიტომ, რომ მთელი თაობა დასვეს ნემსზე და ამაზე ბევრმა მოითბო ხელი. ახლა ეს კაცი დაბრუნებულა აქ, აღმოჩენილა საპარლამენტო სიაში და თურმე მთელი ეს პერიოდი აგროვებდა სიბინძურეებს. 2 დღის წინ კი აჭარაში ბათუმის პოლიციის ყოფილი უფროსი, წარმოუდგენელი სისასტიკით გამორჩეული "რემბო", რომლის წინააღმდეგ თავის დროზე სისხლის სამართლის საქმე იყო აღძრული ადამიანების წამების გამო, მრავალი წელი იყო გაქცეული, ჩაყუჟული, თავჩაწეული, ერთ-ერთი პოლიტიკური პარტიის სახელით გამოვიდა და დაგმო ძალადობა. ეს ძველი ელემენტები, რომლებიც აწამებდნენ, აუთოვებდნენ, რყვნიდნენ მთელ თაობას, უცებ წამოყვეს თავი და დაბრუნდნენ საქართველოში. ყველა მობრუნდა, ამ არჩევნების გარშემო დაირაზმა და ჰგონიათ, რომ არჩევნების შემდეგ ყველაფერი დაბრუნდება თავის წრეზე. ყველაფერს აქვს საზღვარი", - განაცხადა პრეზიდენტმა და აქვე დასძინა, რომ საკუთარი ინტერესებისთვის ყველანაირი ადამიანის შემოკრება და გამოყენება არ შეიძლება, რადგან "ეს საბოლოო ჯამში ყველაფერს დაანგრევს".

"ინტერპრესნიუსი"
19:28 / 12-10-2012
bibi_75
0
სოსო ალავიძე ძალიან მაგარი ადამიანია.მე პირადად არ ვიცნობ მაგრამ ბევრი კარგია მსმენია მასზე. ის ეზიზღება ნაც მოძრაობის და მიშას დამპალ მიმდევრებს, ვინაიდან ისინი კრიმინალური მრწამსის მქონე ადამიანები არიან და ეშიათ ალავიძის
გამოეხმაურე / 0 /
14:46 / 10-10-2012
olala
0
ალავიძეზე ბევრი ცუდი გამიგია მაგრამ ვინც პირადად იცნობს ყველა დადებითად აფასებს
გამოეხმაურე / 0 /
ამ კატეგორიის სხვა სიახლეები
20:44 / 18-01-2018  Image თემქაზე მშენებარე ობიექტიდან 26 წლის ბიჭი გადმოვარდა და გარდაიცვალა
მამაკაცი მშენებლობის მესამე სართულიდან გადმოვარდა
15:05 / 18-01-2018  Image კალაძე "ფეისბუქ-ლაივში" 95-ე ბაღის სამზარეულოდან ჩაერთო: "მშობლებო, თქვენი შვილები იკვებებიან ჯანსაღი პროდუქტით"
ინტერნეტმომხმარებელს აჩვენა როგორ მიდის სასადილოში საჭმლის კეთების პროცესი
19:40 / 18-01-2018  Image "მამამისი მის თვალწინ მოკლეს" - მოსკოვში დაკავებული ქართველი "კანონიერი ქურდის", "კვეჟოვიჩის" წარსული და ვენდეტა მამის მკვლელობის გამო
გურამ ჩიხლაძე 10 წლის იყო, მისი მამა ავთანდილ ჩიხლაძე ("კვეჟო") გავლენიანი "კანონიერი ქურდი" გახლდათ
17:52 / 18-01-2018  Image ბათუმში გაუჩინარებული 23 წლის გოგო იპოვეს
23 წლის გოგოს ორი დღეა სამართალდამცავები ეძებდნენ
13:06 / 18-01-2018  Image წვიმა, თოვლი, ქარბუქი.. - საქართველოში ამინდი მკვეთრად გაუარესდება
ზღვაზე 4-6 ბალიანი შტორმი

პოპულარული კომენტარები
ინტერნეტკონფერენცია
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49