პრემიერმა მარინე მიზანდარი თანამდებობიდან გაათავისუფლა

საქართველოს პრემიერ-მინისტრის, ირაკლი ღარიბაშვილის ბრძანებით, მარინე მიზანდარი საქართველოს კულტურისა და ძეგლთა დაცვის მინისტრის პირველი მოადგილის თანამდებობიდან გათავისუფლდა.

ამის შესახებ ნათქვამია პრემიერის ბრძანებაში, რომელიც 10 თებერვლით არის დათარიღებული.

"საჯარო სამსახურის შესახებ" საქართველოს კანონის 78-ე მუხლის პირველი პუნქტის "ა" და "გ" ქვეპუნქტებისა და 79-ე მუხლის პირველი პუნქტის "ვ" ქვეპუნქტის გათვალისწინებით გათავისუფლდეს მარინე მიზანდარი საქართველოს კულტურისა და ძეგლთა დაცვის მინისტრის პირველი მოადგილის თანამდებობიდან "საჯარო სამსახურის შესახებ" საქართველოს კანონის 99-ე მუხლის მე-3 პუნქტის საფუძველზე", - ნათქვამია ბრძანებაში.

მარინე მიზანდარის თანამდებობიდან გათავისუფლების მოთხოვნით პრემიერს კულტურის და ძეგლთა დაცვის მინისტრმა გურამ ოდიშარიამ 5 თებერვალს მიმართა. ოდიშარიამ მიზანდარი დაუმორჩილებლობაში დაადანაშაულა.

"ინტერპრესნიუსი"