დაუდასტურებელი ინფორმაციის მიხედვით, შესაძლოა, ნოდარ ხადური გადადგეს

EBRD-ის საერთაშორისო კონფერენციის დასრულების შემდეგ, ფინანსთა მინისტრი, ნოდარ ხადური თანამდებობას დატოვებს, - ინფორმაციას "პირველი რადიო" უმრავლესობის წევრებთან პირადი საუბრისას მიღებულ ინფორმაციაზე დაყრდნობით წერს და დასძენს, რომ ხადურის გადადგომასთან დაკავშირებით გადაწვეტილება უკვე მიღებულია.

"აღსანიშნავია ის გარემოება, რომ რამდენიმე დღის წინ ვიცე-სპიკერმა მანანა კობახიძემ განაცხადა, რომ "ერთ-ორი მინისტრის შეცვლა" მთავრობაში კიდევ არის მოსალოდნელი... ხადურის შეცვლასთან დაკავშირებით საუბარი ქართული ოცნების პოლიტსაბჭოს სხდომაზეც იყო", - წერს გამოცემა.