ქუთაისის მერიისა და საკრებულოს კომპიუტერული ტექნიკის შესაძენად 99 167 ლარი დაიხარჯება

ქუთაისის საკრებულოსა და მერიის სტრუქტურული ერთეულებისთვის განკუთვნილი კომპიუტერული ტექნიკის შესაძენად 99 167 ლარის ღირებულების ტენდერი, 30 ივნისს გამოცხადდა. როგორც სატენდერო დოკუმენტაციით ირკვევა, ტენდერი კომპიუტერულ ტექნიკასთან ერთად, შესაბამისი აქსესუარების შესყიდვასაც ითვალისწინებს.

პლანშეტური კომპიუტერი, ლაზერული და ფერადი პრინტერი, ციფრული დიქტოფონი, ულტრაბუკი და მონიტორები - ეს კომპიუტერული ტექნიკის ჩამონათვალის ნაწილია, რომელთა შესყიდვა მიმწოდებელმა წლის ბოლომდე უნდა უზრუნველყოს.

წყარო: newpress.ge

”ახალი გაზეთი”