qartli.ge: ჯერ მძღოლს "ჩაუფურთხებია" ალკოტესტში და მერე პატრულს ჩაურტყია აპარატი

პოლიციელის კანონიერი მოთხოვნის დაუმორჩილებლობისთვის, გორში სამი მოქალაქე სასამართლომ 300-300 ლარით დააჯარიმა. თვითმხილველების თქმით, პოლიციელმა მძღოლს ალკოტესტზე შემოწმება მოსთხოვა, მან კი ჩაბერვის ნაცვლად, ჩააფურთხა.

ინციდენტი კომბინატის დასახლებაში ახალი წლის პერიოდში მოხდა.

"ვიდრე ეს მანქანა გამოჩნდებოდა, კლუბის წინ სხვა მამაკაცების ჩხუბი იყო. ადგილზე პოლიციის პიკაპი მოვიდა და ვითარება მიწყნარდა. უამრავი ხალხი ტრიალებდა. ამ დროს, ერთ-ერთი ჩიხიდან მანქანა გამოვარდა, სადაც სამი ახალგაზრდა იჯდა. პოლიციელი მივიდა და მძღოლს ალკოტესტზე შემოწმება სთხოვა. მძღოლმა იმის ნაცვლად, რომ ჩაებერა, ალკოტესტში ჩააფურთხა. სანაცვლოდ კი ალკოტესტი სახეში მოხვდა", - ამბობს შიდა ქართლის საინფორმაციო ცენტრთან საუბარში თვითმხილველი.

იხილეთ ვრცლად

შიდა ქართლის საინფორმაციო ცენტრი