ქუთაისის ზურაბ ჟვანიას სახელობის სახელმწიფო ადმინისტრირების სკოლამ ექსკურსიისთვის "ტორპედოს" კუთვნილი ავტობუსი გამოიყენა. სკოლის ექსკურსიის მარშრუტი იყო: მარტვილის მონასტერი, სალხინო-დადიანების საზაფხულო რეზიდენცია და მარტვილის კანიონი.
სკოლის მოსწავლეებთან ერთად ექსკურსიაზე ქუთაისის საკრებულოს თავმჯდომარე დავით დვალიც წავიდა. აღსანიშნავია, რომ ქალაქის მერის, შოთა მურღულიას ცოლი თეონა შეყილაძე სსიპ ზურაბ ჟვანიას სახელობის სახელმწიფო ადმინისტრირების სკოლის იურისტია. ხოლო ქუთაისის მერი და ქუთაისის საკრებულოს თავმჯდომარე ამავე დაწესებულებაში ლექციებს კითხულობენ.