გურჯაანში 35 წლამდე მამაკაცმა თავი მოიკლა

გურჯაანში, სავარაუდოდ, ვალების გამო 35 წლამდე მამაკაცმა სიცოცხლე თვითმკვლელობით დაასრულა. როგორც გარდაცვლილის მეზობლებმა "ინტერპრესნიუსთან" საუბარში განაცხადეს, მამაკაცს, რომელიც შხამ-ქიმიკატების ერთ-ერთ მაღაზიაში მუშაობდა, ფინანსური პრობლემები ჰქონდა.

მათივე ვარაუდით, სუიციდის შემთხვევა სწორედ აღნიშნულს უკავშირდება.

მომხდარზე გამოძიება დაიწყო. როგორც შინაგან საქმეთა სამინისტროში აცხადებენ, საქმე "სისხლის სამართლის კოდექსის" 115-ე მუხლით აღიძრა, რაც პირის თვითმკვლელობამდე მიყვანას გულისხმობს.