ხელვაჩაურის მუნიციპალიტეტის სოფელ ცხემლარის დაწყებით საჯარო სკოლის კარს წელს არც ერთი მოსწავლე არ შეაღებს. სკოლას მოსწავლე საერთოდ აღარ ჰყავს. პირველკლასელი სკოლას არც შარშან და არც ორი წლის წინ არ მიუღია. მიუხედავად ამისა, სკოლა ოფიციალურად გაუქმებული არ არის და შტატში ერთი მასწავლებელი ირიცხება.
ხელვაჩაურის რესურსცენტრის თანამშრომელი ნინო ბოლქვაძე ამბობს, რომ ის ერთი მასწავლებელიც ჩხუტუნეთის სკოლაში მუშაობს და ცხემლარში იმ შემთხვევაში ავა, თუ სკოლას ერთი პირველკლასელი მაინც ეყოლება.
წყარო: "ბათუმელები"